^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жұма, 14 желтоқсан 2018
 
     
 
Жаңалықтар
Алматыда 18-метрлі төмен еденді автобустар жаңа бағыт бойынша жолға шықты
25 желтоқсан 2017

Алматыда көлік реформасын және қоғамдық көлік жүйесін тұрақтандыру аясында жылжымалы составты жаңалау және бағыттар желісін ұлғайту жұмыстары жүруде. Алматы әкімі Бауыржан Байбек жұмыс сапары барысында бүгін №201 жаңа магистральді бағыт бойынша жолға шыққан сыйымдылығы үлкен немесе «гармошка» деп аталатын жаңа автобустарды көрді.

Жаңа 18 метрлі төмен еденді автобустар Евро-5 экологиялық сыныпқа жатады, оның сыйымдылығы 180-ден астам адам, Төле би көшесі бойымен Яссауи көшесінен Шығыс айналма жолына дейін қамтиды.

Жолаушылар көлігі және автомобиль жолдары басқармасының бастығы Мақсұт Исахов ұзындығы 14 км болатын Төле би көшесінде жолаушылар легінің жоғары екенін, бірақ тікелей бағыттың болмағанын, қала тұрғындары тарапынан түскен көп өтініштерді саралай келіп, сыйымдылығы үлкен автобустар арқылы магистральды бағыт ашу туралы шешім қабылданған айтты.

Аталған бағыт бойынша жылжымалы составтың 19 бірлігі жұмыс істейді, оның біреуі резервте. Қозғалыстың жоспарланған интервалы – 6 минут, таңғы сағат 6-дан түнгі 23.00-ге дейін. Автобустар кондиционерлермен, видеобақылаумен, пандустармен жабдықталған, төрт есіктің әрқайсысының жанына «ОҢАЙ» терминалы орнатылған.

«Егер орташа бағыттағы жолаушылар легі тәулігіне 10 мың адам болса, ал 201 бағытта 25 мыңға дейін болуы мүмкін деп болжануда. Жаңа бағыттың енуі жолаушыларға жайлы қызмет көрсетіп, тасымалдаушылар қызметінің сапасын арттырады деген үміттеміз», - деді М.Исахов.

Алматы әкімі жаңа автобустардың жоғары экологиялық стандарттарға сай екенін және қалада қоғамдық көлікті газға көшіру жұмыстарының одан әрі ын айтты.

«Ол үшін қажетті инфрақұрылым, май құю және сервис бекеттері болуы тиіс, сондықтан қазіргі кезде осы талаптардың барлығына жауап беретін автопарк құрылуда», - деді қала басшысы.

Бұрындары Алматыда көлікті реформалау аясында №22, 70, 86, 65, 103, 50, 126, 112 бағыттары бойынша жаңа автобустар жолға шығып, №77 бағыт қайта ашылған болатын.

Жалпы, Алматыда биылғы жылы сыйымдылығы әртүрлі 388 автобус сатып алуға қаржы бөлінген еді, олардың 185 – і бағыттар бойынша жолға шыққан болатын, қалған 203 – і келер жылдың басында іске қосылады. Жеке тасымалдаушылар да 254 жаңа автобус алды,олардың 91 – і бағыттарда, қалған 183 автобус 2 018 жылдың бірінші тоқсанында келеді.

Мегаполис басшысына қоғамдық көлік үшін жасаалған жолақтарда жол қозағлысы ережесін бұзғандарды белгілейтін жүйәе көрсетілді.

«Жылжымалы составқа видеокамера орнатылады, ол арнайы жолаққа шығып кеткен көлікті бірден анықтайды, көліктің нөмірі автолматты түрде белгілі болады және 100% дәлелдері бар базалық ақпарат процессуалды шешімдер қабылдау үшін қаланың ІІД-не жіберіледі. Тестілік режимде жұмыс істеген бұл жүйе 3 күн ішінде бір троллейбустың 104 рет тәртіп бұзғанын көрсетті, бұл 1 млн.астам теңгеге тең. Жүйе қоғамдық көлік қана емес, жеке авто жүргізушілерді де тәртіпке шақырады», - деді жүйені жасаушы компания өкілі Александр Сатин.

Айта кетерлігі, жүйені ҚР Қорғаныс және аэроғарыш министрлігінің космос техникасы мен технологиясы Институты жасаған, оның барлық компоненттері Қазақстанда өндіріледі. Жүйе жан- жақты әрі ұзақ тестілеуден өткен соң Алматы қаласының жолдарында қолданылуы мүмкін.

  «« | »» «  | Барлық жаңалықтар


Мәслихат депутаттары Алматының 2019 жылғы бюджетін бекітті »»
14 желтоқсан 2018 - 11:44
Бұрындары бюджет жобасын Қоғамдық кеңес мүшелері мен «Нұр Отан» партиясы фракциясының депутаттары қараған болатын. Алматыда мәслихаттың кезектен тыс сессиясында қаланың 2019 жылғы бюджеті бекітілді, оның жалпы көлемі 525,2 млрд. теңге. Бюджет «нөлден» жасалды және Мемлекет басшысының Жолдауы мен «Алматы-2020» қалалық бағдарлмасын жүзеге асыруға қатысты қайта құрылды. Қалада келер жылдан бастап бюджеттік бағдарламалар мен драйвер - жобалардың орындалу барысын көрсететін ...
Алматыда BRT желісінде алғашқы электронды таблолар пайда болды »»
13 желтоқсан 2018 - 16:15
Электронды таблоларда бағыт нөмірлері және қоғамдық көліктің бекет кешенінен қашан келетіні туралы ақпараттар болады. Қалалықтар цифрлы жаңалық арқылы Көлік холдингінің операторымен арнайы модуль арқылы байланыса алады. Бұл жоба бюджеттен тыс қаржы есебінен іске асуда. Қоғамдық көлік қозғалысын онлайн-кесте немесе «Оңай» қосымшасы арқылы білуге болады. Бұдан өзге, тамыздан бастап осы қосымшаны пайдаланатындар QR-коды арқылы жол ақысын да төлей бастады. Кезекті жұмыс сапары барысында Алматы әк...
Алматыда қаланың үздік мұғалімдері марапатталды
13 желтоқсан 2018 - 13:26
Алматыда орта білім беретін мекемелердің 100-ден астам мұғалімдері қатысқан «Ұстаз Мәртебесі – Ұлт Мерейі» қалалық конкурсының қорытындысы шығарылды. №159 мектептің қазақ тілі мен әдебиеті пәнінің мұғалімі Сәуле Ахметова Алматының «Үздік мұғалімі» атанды, оған жаңадан ашылған №168 мектепте салтанатты түрде автомобильдің кілті тапсырылды. №140 мектептің информатика пәнінің мұғалімі Нұрғалы Нұрымбетовке отбасылық демалыстың жолдамасы берілді. Бұлардан өзге бірқатар ұстаздарға д...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13