^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 23 шілде 2018
 
     
 
Жаңалықтар
Алматыда газбен жүретін «Iveco» маркалы автобус тестен өтеді
06 сәуір 2018

Итальяндық «Iveco» компаниясы Алматы бағыттарында газбен жүретін автобустарды көрсетті. Бұл төмен еденді автобус, ұзындығы 12 метр, кондиционермен, пандуспен, видеокамерамен жабдықталған, сыйымдылығы 100 жолаушыға дейін.

Қаланың Жолаушылар көлігі және автомобиль жолдары басқармасының басшысы Мақсұт Исахов газбен жүретін автобус үш ай бойына «Қазақстан» қонақ үйінен «Медеу» мұз айдынына дейін баратын №12 бағытқа қызмет көрсететінін айтты.

«Аталған маркалы автобустар әлемдік нарықта өздерін жақсы қырынан көрсетті, дегенмен біз оны Алматы жағдайында тексеріп көреміз, сондықтан жүктемені анықтау үшін осы бағыт таңдап алынды. Алматы әкімінің тапсырмасы бойынша қалада көлік реформасы аясында газбен жүретін автобустарға қатысты қажетті инфрақұрылым жасалуда, жүйенің ашықтығы қамтамасыз етілген, Алатау ауданында 200 автобусқа арналған автопарк құрылысы жүруде, сондықтан өндірушілер қызығушылық танытуда. Бағасына, сапасына қатысты барлық мәліметтер жиналған соң тасымалдаушылар белгігі маркалы автобустарды алатын болады», - деді ол.

«CNH Industrial» өңірлік менеджері Роберто Бонзо автобустың Алматыға Еуропадан әкелінгенін және барлық жоғары сапалы стандарттарға сай екенін атап өтті.

«Егер Алматы тасымалдаушылары біздің марканы қаласа, Қостанай қаласындағы зауытта жасалып, құрастырылатын отандық автобустарды ұсынамыз. Мұнда тиісінше ұтымды баға мен шартты жағдайлар да болады», - деді «СарыаркаАвтоПром» ЖШС-тің басқарушы директоры Орудж Назаров.

Еске салсақ, №12 бағытында газбен жүретін «Mercedes-Benz» маркалы автобус да тестен өтуде.

  «« | »» «  | Барлық жаңалықтар


Алматыда бюджетті үнемдеу есебінен қосымша жолдар салынады және жарық желілері жөнделеді »»
18 шілде 2018 - 13:41
Алматыда VI-ші шақырылымдағы қалалық мәслихаттың кезектен тыс өткен сессиясы барысында биылғы жылғы қала бюджеті нақтыланды. Мемлекеттік сатып алуды үнемдеу есебінен жүргізу және жобаларды 9,3 млрд. теңгеге ойтайландыру арқасында ішкі резервтерді қайта бөлу барысында нақтыландыру шарасы жүзеге асты. Биылғы жылдың бірінші жартыжылдығында Алматы экономикасының барлық салаларында 103,8% өсімге қол жетті. Мысалы, бөлшек сауда 8,3%-ға, өнеркәсіп 4,4%-ға, құрылыс 4,7%-ға ұлғайды, бес айдың ішінде шетелдік инвес...
Алматы қаласының әкімі Швейцарияның экономика, білім және ғылым министрімен кездесті »»
13 шілде 2018 - 18:39
Алматы әкімі Бауыржан Байбек Швейцарияның Федералды кеңесшісі, экономика, білім және зерттеу Федералды департаментінің басшысы Йоханн Шнайдер-Амманнмен кездесті. Тараптар сауда-экономикалық байланыстарды нығайту, стартаптарды қолдау және «Smart city» жобаларын жүзеге асыру мәселелерін талқылады. Тәуелсіздік жылдары екі ел арасында түрлі бағыттар бойынша кең спектерлік серіктестік орнықты, бүгінгі күні Швейцария Қазақстанның үшінші ірі шетелдік инвесторы болып табылады. Алматыда сауда, медицин...
Алматы әкімі қаланың инженерлік желілерін қайта жасау қарқынын жеделдетуді тапсырды »»
12 шілде 2018 - 12:47
Алматы әкімі Бауыржан Байбек жұмыс сапары барысында қаланың инженерлік желілерін қайта жасау жұмыстарын тексерді. Биыл жазда мегаполисте 12 шақырымнан астам жылу желісі жөнделуде, 120 мыңнан астам абоненттер үшін газ құбырлары кеңейтіліп, сумен қамтудың жаңа жүйелері жүргізілуде. Дулати көшесі бойындағы ұзындығы 8,8 шақырым кәріз коллекторы учаскесінің құрылысын қарап шыққан мегаполис басшысы қаланың Энергетика және коммуналдық шаруашылық басқармасына жұмыс қарқынын жеделдетуді тапсырды. «Барлық об...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13