^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сейсенбі, 21 тамыз 2018
 
     
 
Жаңалықтар
Алматыда үш жыл ішінде 1300-ден астам аула жөнделді
09 тамыз 2018

Алматы әкімі Бауыржан Байбек күн сайынғы жұмыс сапары барысында қала аулаларын реконструкциялау қарқынын тексерді. Егер мегаполисте 2016 жылы 300 аула көріктендірілсе, 2017 жылы 400-тен астам аула жөнделді, ал биылғы жылы 600-ден астам аула күрделі жөндеуден өтуде. Соңғы үш жылда 3787 алматылық ауланың 1338-і абаттандырылды.

Аулаларда жаңа спорт және балалар алаңдары жасалуда, балдырғандардың спортпен шұғылдануы үшін тренажерлер, ойын кешендері орнатылуда. Асфальтты және резинкалы едендер қайта жасалып, орындықтар, урналар мен МАФтар қойылуда, жасыл желек көбеюде.

«Қауіпсіз қала» бағытында жаңа жарық көздері орнатылуда. Кейбір аулаларда пилотты режимде жарық көздері күн энергиясымен жұмыс істеуде. Болашақта өзге аулаларды жөндеу барысында оны кеңінен қолдану мүмкіндігі қарастырылуда.

Қала басшысы жұмыс сапары кезінде «Орбита-1» ықшам ауданындағы №16, 17, 18, 19, 2, 21 үйлер тұрғындарымен кездесті, мұнда жаңа хоккей, футбол алаңдары пайда болған, кедергісіз инклюзивті ойын алаңы жасалған.

«Біз аулаларды көп жөндеген сайын неге біздің ауламызды жөндемейсіздер деген өтінімдер жиі түсуде. Мен әрбір алматылық ауланың жөндеуден өтетініне уәде беремін. Ол үшін біз бөлек бағдарлама қабылдадық және үш жыл ішінде 700 мың адамды қамтыған аулалардың 35%-ын жаңарттық. Біз үшін бұл маңызды, қалалықтар үшін қауіпсіздік пен жайлылық. Біздің аулаларымыз жарық көздері, спорт және балалар алаңдары бар тартымды аула болуы тиіс, мұнда балалар спортпен шұғылданып, ашық аспан астында ойнай алады», - деп атап өтті Бауыржан Байбек.

Бұлардан өзге, жыл аяғына дейін ТҮК модернизациялау аясында тағыда 174 үйдің сырты, шатыры, подъездері жөнделеді, 226 лифт ауыстырылады.

Жалпы, Алматыда соңғы үш жыл ішінде ұзындығы 500 км болатын 524 көше жөнделді. Тек соңғы жылы ғана 800 км инженерлік желілер салынды және қайта жасалды.

Қаланың тарихи орталығын жаңғырту жалғасуда. Егер өткен жылы Панфилов, Жібек жолы, Гоголь, Қабанбай батыр, Төлебаев, Байсейітова көшелері мен «Астана» алаңы қайта жасалса, биылғы жылы Абай, Абылай хан, Достық, Назарбаев, Желтоқсан даңғылдары, «Алматы 2» теміржол вокзалының алаңы және Республика Сарайының алды жаңару үстінде.

  «« | »» «  | Барлық жаңалықтар


Алматы қаласының қайта жаңғыруы шағын орта бизнестің дамуына қалай әсерін тигізді »»
20 тамыз 2018 - 16:39
Қаланың тарихи орталығын шағын және орта бизнес үшін қайта құру қалай ықпал еткенін алматылық кәсіпкерлер айтып берді. Алматыда жеті айдың қортындысы бойынша кіші және орта бизнес субъектілерінен бюджетке түскен салық түсімінің өсуі 37 млрд. теңгеге белгіленді. Сонымен бірге, жалпы көлемнің үлесі 661,2 млрд. теңгені құрай отырып, қазірдің өзінде 60% асып түсті. Әлемдік тәжірибе көрсеткендей, жаяу жүргіншілер аймағының трансформациясы трафиктің орта есеппен 30%-ға ұлғаюына, ал дүкендердің айналымы 17%-ға а...
Алматы қаласының Түрксіб ауданындағы аулалардың жартысынан көбі жөндеуден өтті »»
16 тамыз 2018 - 15:35
Алматы әкімі Бауыржан Байбек күнделікті жұмыс барысында Түрксіб ауданының коммуналдық-шаруашылық инфроқұрылымын қалпына келтіру қарқынын тексерді. Егер өткен жылы мұнда 80 аула жаңартылса, биылғы жылы 130 ауладан асып отыр. Осылайша, тек екі жылда қаланың көне ауданында барлық аулалардың жартысы жаңартылды. Бауыржан Байбек Б.Майлин көшесі мен Сүйінбай даңғылының тұрғындарымен кездесу барысында қала инфроқұрылымды модернизациялау аясында 524 көше мен 800 километр инженерлік жүйелер жөндеуден өткенін айтты....
Алматы әкімшілігі биылғы жылы қоғамдық көліктерді 80% дейін жаңартуды жоспарлауда »»
13 тамыз 2018 - 17:27
Көлік реформалары аясында Алматының қоғамдық көліктерін жаңарту жалғасуда. Қала әкімі Бауыржан Байбектің жұмыс барысында шалғайдағы аудандарды қала орталығымен қосып тұрған №17 және №62 бағыттағы жаңа автобустарды қарап шықты. Бүгінде қаланың автобус паркі 1560 автобусты есепке алды. Жыл аяғына дейін Алматы әкімшілігімен жаңа қоғамдық көліктердің үлесін 80% дейін жеткізуді жоспарлап отыр. Еске салсақ, егер өткен жылы 479 автобус шыққан болса, оның 80% жергілікті бюджеттен сатып алынды, ал биылғы жылы 569...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13