^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 26 қыркүйек 2018
 
     
 
Жаңалықтар
Алматыдағы бірнеше белгілі ғимараттарға архитектуралық жарық көздері орнатылды
31 тамыз 2018

Алматыда тарихи және мәдени айрықша маңызы бар қаланың тарихи орталығын реконструкциялау және ғимараттарды жаңарту жалғасуда. Кешке қарай Республика Сарайы, Балуан Шолақ атындағы Спорт Сарайы, Құрманғазы атындағы ұлттық консерватория мен Алматының бірқатар белгілі нысандары архитектуралық жарық көздерімен нұрлана түседі.

Қазіргі кезде көптеген мегаполистерде қаланың ерекшеліктері мен көрнекі орындарын айшықтай түсетін және кешкі серуен кезінде қолайлы жағдай туғызатын архитектуралық жарық көздері тиімді пайдаланылуда.Заманауи энергия жинақтайтын технологияны ұтымды қолдану электр энергиясын үнемдейді және жарық көздерін ұзақ пайдалануға ықпал етеді.

Кешкі және түн мезгілінде қала ғимараттарына, ландшафтарға бірыңғай архитектуралық стиль беру мақсатында Алматыда соңғы екі жыл ішінде қаланың 130 белгілі нысандары жарық көздерімен нұрлана түсті.

Олардың арасында Тәуелсіздік Монументі, «Қазақстан» қонақ үйі, Даңқ, Мемориалы, «Көктөбе» телемұнарасы, Абай атындағы МАТОБ, Қастеев атындағы мұражай, Ықылас атындағы халық аспаптары музейі, Орталық мешіт, Свято-Вознесенский кафедралды соборы және басқалары бар.

Архитектуралық жарық көздерінің бірыңғай жобаларының барлығы бюджеттен тыс қаржы есебінен жүзеге асуда.


Бұлардан өзге, Алматыда биылғы жылы бірнеше қала даңғылдары реконструкциялануда, көшелер мен тротуарларғажаңа жарық көздері орнатылып, жаяу жүргінші аймақтары кеңеюде, көлеңкелі кеңістік қалыптастыру үшін жасыл желек отырғызылып, жаңа субұрқақтар салынуда.


Кеспе тастар төселуде, жарық діңгектері мен суару жүйелері, ғимараттардың кіре берістері мен сырты жаңаруда.

Жыл аяғына дейін барлық жарық көздерінің үштен бірі жаңарады. 24000 жарық көздері немесе олардың 31,5%.-ы энергия жинақтайтын және диодты шамдарға ауыстырылады. Мысалы, BRT автобустарының жүрдек желісін салу аясында Тимирязев көшесінде жарық көздерін жаңарту жұмыстары аяқталып қалды.

Егер өткен жылы қала билігі Панфилов, Жібек жолы, Гоголь, Қабанбай батыр, Төлебаев, Байсейітова көшелері мен «Астана» алаңын жаңаласа, биылғы жылы Абай, Абылай хан, Достық, Назарбаев, Желтоқсан даңғылдарында, «Алматы-2» теміржол вокзалының маңайында және Республика Сарайы алдындағы алаңда қайта жөндеу жұмыстары жүріп жатыр.


Қалада ұзындығы 500 км болатын 524 көше жаңарды. Мегаполистің барлық жер асты өтпелі жолдарын жаңарту жұмыстары аяқталып қалды.

800 км инженерлік желілер жөнделді және салынды.

Ұзындығы 12 км болатын тағы бір жылу желісінің құрылысы аяқталып қалды, бұрыннан бар газ құбырлары кеңеюде, 120 мың тұрғынды қамтитын жаңа су жүйесі тартылуда.

Қалада 300 км арық желісі жаңарды.

Су жиі басып қалатын учаскелерге 70 шақырымнан астам арық салынды. Таяу арада тағы 45 км арық желісі жаңарады.

Мегаполис билігі қаладағы 3800 аулалардың ішіндегі 1400 ескі аулаларды жаңартуды аяқтап қалды.

Реконструкция аясында аулаларда жаңа балалар және спорт алаңдары, тренажерлар мен ойын кешендері, жаңа жарық көздері пайда болуда.Кейбір аулаларда жарық көздері пилотты режимде күн энергиясымен жұмыс істеуде.

  «« | »» «  | Барлық жаңалықтар


Алматыда аудандардың жаңа әкімдері тағайындалды
25 қыркүйек 2018 - 17:23
Қазақстан Республикасы Президенті Әкімшілігінің және Алматы қаласы мәслихатының келісімімен Алмалы ауданының әкімі болып Бекқали Торғаев тағайындалды. Өз кезегінде Алтай Рахымбетов Бостандық ауданының әкімі атанды. Алматы әкімдігінде оларды таныстыру кезінде Бауыржан Байбек аудандардың тағайындалған әкімдерінің қызметтік өсу жолдарының барлық сатыларынан өткендерін және қала проблемаларын жақсы білетіндіктерін атап өтті. Олардың алдына принципті және тұрақты қадағалауды талап ететін бірінші кезектегі мінд...
Алматы әкімі Бенин Республикасы Абоме-Калави қаласының мэрімен кездесті »»
25 қыркүйек 2018 - 15:52
Алматы әкімі Бауыржан Байбек Бенин Республикасының экономикалық орталығы болып табылатын Абоме-Калави қаласының мэрі Жорж Бадамен кездесті. Тараптар мәдени-гуманитарлық байланыстарды күшейту және қалаларды дамыту бойынша тәжірибе алмасу мәселелерін талқылады. Мегаполис әкімі географиялық қашықтықта қатысты Алматы мен Бенин арасындағы экономикалық байланыстың шектеулі екенін, алайда мәдени-гуманитарлық салада ынтымақтастықтың жоғары екенін атап өтті. Жыл сайын қалада халықаралық көлемде Spirit of Tengri, ...
Алматы әкімі «Сайран» өзенінің айналасын абаттандыруды одан әрі жалғастыруды тапсырды »»
25 қыркүйек 2018 - 13:04
Жұмыс сапары кезінде Алматы әкімі Бауыржан Байбек «Сайран» өзенінің айналасын аралап көрді және келер жылы да абаттандыру жұмыстарын одан әрі жалғастыруды тапсырды. Биылғы жылы су қоймасының батыс бөлігінің беткейлері реттелді, сатылы түсу жолы жөнделді, 7 га жер газондалды. Бұлардан өзге, жарық көздері орнатылды, асфальт төселіп, балалар және спорт алаңдары көріктендірілді. Осыған ұқсас жұмыстар шығыс бөлікте де атқарылды, көше жиһазы қойылып, жаңадан 130 жарық бағаналары орнатылды, воркаут-...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13