^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 16 маусым 2019
 
     
 
Жаңалықтар
«Алматы-1» теміржол вокзалының айналасы қалай өзгерді
11 қазан 2018

Жұмыс сапары кезінде Түрксіб ауданын аралаған Алматы әкімі Бауыржан Байбек реконструцияланған «Алматы-1» теміржол вокзалының айналасын және вокзал алдындағы көлік қозғалысын ұйымдастырудың сызбасын көрді.

Вокзалдың алдындағы жаңарған алаңға бұрынғы ескі асфальттың орнына тротуар плиткасы төселген, жасыл желек аумағы кеңейген, 40-тан астам ағаш отырғызылған. Кіші пішінді архитектуралық формалар қойылып, Әліби Жангелдин ескерткішінің сырты жаңарған.

Қоғамдық қауіпсіздікті арттыру мақсатында видеобақылау камералары қойылған.

Теміржол вокзалының тура алдына қоғамдық көлікке басымдық беретін қондырғылар орнатылған, өтпелі жолдарда қауіпсіздік қатаң сакқталған. Жақын арада заманауи форматтағы бекет кешендері орнатылады.

Алматы әкімі Мемлекет басшысының туризм және көлік- логистикалық қызмет секторын дамытуға айрықша назар аударатынын атап өтті. Биылғы жылы қалада «Алматы-1» және «Алматы-2» теміржол вокзалдарының айналасы қайта жаңарды, енді біраз жылдардан соң «КТЖ» АҚ ғимараттардың өздерін модернизациялайтын болады. «Сайран» халықаралық автовокзалы да қатар реконструкциялануда.

«Мемлекет басшысының Жолдауында қалаларда тұрғындар үшін қолайлы жағдай жасау қажеттігі атап өтілген. Біз келер жылы да Алматының тарихи орталығы мен әр ауданды модернизациялауды одан әрі жалғастырамыз. Соңғы жылдары Түрксіб ауданында аулалардың 50%-дан астамы абаттандырылды. Ендігі жылы тағы 200 аула жаңарады, осылайша қаламыздың қарт ауданының барлық аулалары қайта жасалады», - деді Бауыржан Байбек.

Бұлардан өзге, келер жылы Түрксіб ауданында жаяу жүргіншіге басымдық беру үшін Сауранбаев көшесі модернизацияланады, екі сквер қайта жасалады. Сүйінбай даңғылынан Ержанов көшесіне дейінгі Шолохов көшесі жөнделеді, тротуарлар кеңейіп, жасыл желек отырғызылады.

Айта кетерлігі, қала кеңістігін жақсарту аясында мегаполистің тархи орталығының үштен екісі жаңарды, 524 көше мен 1400 ескі аулалар қайта жасалды. 300 км арық, 800 км астам инженерлік жүйе реконструкцияланды. Қаланың барлық жер асты жолдары күрделі жөндеулерден өтті.

Көшедегі барлық жарық көздерінің үштен бірі диодты және энергияны сақтайтын шамдарға ауыстырылды. Жыл аяғына дейін жаңа қоғамдық көліктің үлесі 80%-ға жетеді.








  «« | »» «  | Барлық жаңалықтар


Бауыржан Байбек Алматы көшелерін реконструкциялау барысын тексерді »»
14 маусым 2019 - 18:52
Жұмыс сапары кезінде Бауыржан Байбек «Қала адамдар үшін» концепциясы аясында Алматының тағы бірқатар көшелерін модернизациялау жөніндегі құрылыс жұмыстарының және инженерлік коммуникацияларды реконструкциялаудың барысын тексерді. Жайлы қала кеңістігін қалыптастыру мақсатында биылғы жылы Достық даңғылы, Жібек жолы мен Байсейітова көшелерінің бойында энергия жинақтаушы тротуар шамдары, көше жиһаздары, спорт және балалар алаңдары, фонтан кешендері пайда болады. Жасылдандыру қолға алынады, ескі ағ...
Алматы әкімі «Vision Zero» аясында жолдарды реконструкциялауды тексерді »»
13 маусым 2019 - 19:52
Алматы әкімі Бауыржан Байбек «Vision Zero Almaty» бойынша жолдарда өлімді азайтудың Жоспары аясында жол инфрақұрылымдарын реконструкциялауды тексерді. Биылғы жазда қаланың 140-тан астам жолдары жөнделуде, олардың 56-ы жаяу жүргіншіге бейімделген. Олар - бекет кешендерінің айналасы, кең қозғалыс бөлігінің жиектері және өтпелі жолдардың қауіпсіз аймағы. Жалпы, қала бойынша көпшілік жиі жүретін әрі апаттық деңгейі жоғары 72 проблемалы уческе анықталған, алдыңғы қатарлы мегаполистерде балама реті...
Алматыда Достық даңғылы мен Жібек жолы көшесін реконструкциялау басталады »»
12 маусым 2019 - 17:17
Алматыда Достық даңғылы мен Жібек жолы көшесінің учаскелерін реконструкциялауға қатысты автокөлік пен жаяу жүргіншілер үшін кейбір қозғалыс бөліктері жабылады. Мысалы, 13 маусымда Жібек жолы бойымен Желтоқсан көшесінен Наурызбай батыр көшесіне дейін автокөлік қозғалысы жабылады. Көшенің солтүстік жағындағы жаяу жүргінші жолы ашық. Достық даңғылы бойында тек жаяу жүргіншіге қатысты екі учаске ғана Құрманғазы көшесінің төменгі шығыс жағы мен Қабанбай батыр көшесі жабылады. Қоғамдық кеңістікті модернизациял...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13