^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жұма, 5 маусым 2020
 
     
 
Жаңалықтар
Алматыдағы жеке секторды газдандыру қашан аяқталады
24 қаңтар 2019

Алматы әкімдігінде жеке секторды газдандыру қашан аяқталатыны белігілі болды. Энерготиімділік және инфрақұрылымдық даму басқармасының басшысы Мақсұт Исахов өзінің сөзінде қазіргі кезде жеке сектордың 99%-ның бөлу желілерімен қамтылғанын айтты.

Небәрі 1%-ды құрайтын жеке сектордағы газдандыруға жоспарланған 2217 тұрғын үйдің 200-і газды пайдалануда. Тағы 1000 үй газға қол жеткізіп отыр, қалған 1017 үй ағымдағы жылдың үшінші тоқсанында газ желілеріне қосылатын болады.

«Барлық жұмысты өткен жылы аяқтау жоспарланған еді, бірақ «ҚазТрансГаз Аймақ» АҚ-ның конкурстық процедуралары кешеуілдеп өткізілді. Жылу маусымының басталуымен әрі жерді қазып, қала тұрғындарына қосымша келеңсіздік туғызбау мақсатымен әкімдіктің араласуы арқылы жұмыстарды биылғы жылдың көктем - жаз айларында бастау жөнінде шешім қабылданды. Оның үстіне барлық компаниялармен желілерге қосылу бағасын төмендетуге қатысты келісім жасалды. Әлеуметтік жағдайы төмен тұрғындарға жеңілдік қарастырылған. Мысалы, ҰОС қатысушыларға газ тегін жүргізіледі, жағдайы төмен және көп балалы аналарға 50%, I,II топта мүгедектерге 30% жеңілдік жасалады», - деп түсіндірді Мақсұт Исахов.

Басқарма басшысы Елбасының тапсырмасын орындау барысында энергияжинақтаушы кәсіпорындар мен инвестициялық бағдарламаларды оңтайландыру арқасында Алматыда коммуналдық қызмет тарифтерін төмендетуге қол жеткенін айтты.

Мысалы, газ тарифі 1 м3 үшін 16%-ға немесе 31,02 ден 26,2 теңгеге төмендеген, сумен қамту 1 м3 үшін 10%-ға немесе 49,61 ден 44,65 теңгеге, судан бөлу 1 м3, үшін 10% немесе 25,71 ден 23,14 теңгеге арзандаған.

Бұлардан өзге, электр тарифі 1 кВт/сағат үшін 2,82%-ға немесе 16,32 ден 15,90 теңгеге, лифт 1 м2 үшін 8,5%-ға немесе 11,79 дан 10,78 теңгеге, ПИК қызметі 6%-ға азайған.

Өз кезегінде есептегіш құралдары бар жеке тұлғаларды жылумен қамту тарифі 1 Гкал үшін 18%-ға немесе с 5 327,78 ден 4 382,05 теңгеге, есептегіш құралдары жоқтардікі 1Гкал үшін 7 267 ден 5 977,04 теңгеге арзандаған.

Мысалы, егер жалпы алаңы 50 кв.м болатын екі бөлмелі пәтерде 3 адам тұрса әрі бұлардың үйінде есептегіш құралдары болса, онда жылуға 9 395 теңге төлеп келген еді, енді бұл сома биылғы жылы 7 704 теңгені құрайтын болады. Есептегіш құрал жоқ үйде төлем 14 199 теңге болатын, енді 11 643 теңгені құрайды.

Атап өтерлік жайт, жылу энергиясының бағасы сараланған тариф бойынша есептеледі. Жылу есептегіші жоқ үйлерде баға маусымның айына байланысты болады. Мысалы, қазанда 1 шаршы метрге 32 теңге төленсе, қаңтар айындағы төлем 233,56 теңге болады.

Жылу есептегіші бар үйлерде жылу мен ыстық суды пайдалану үшін жылу энергиясының қаншалықты жұмсалғаны ескеріледі. Үйлердің ішін 20ºС-ға дейін жылыту үшін жұсалатын жылу да әртүрлі, сондықтан жылу мен ыстық судың бағасы әр үйде әртүрлі.

Еске салсақ, бұрындары Алматыда монополистер арасында кешенді тексеру жүргізіліп, оның барысында бағалардың еш негізсіз көтерілгені анықталды. Нәтижесінде 1,5 млн. қала тұрғындарының құқықтары қорғалып, 4,7 млрд. теңгенің өтемақы тарифтері енгізілген болатын.

  «« | »» «  | Барлық жаңалықтар


2020 жылдың 4 маусымы күнгі жағдай бойынша жалпыға ортақ қоғамдық орындардың дезинфекциясы туралы  »»
04 маусым 2020 - 14:35
Кіреберістер мен аулалар бойынша 3 маусымға жоспарланған 7442 кіреберіс (2703 үйде) және 1348 аула аумағы 100% залалсыздандырылды. Дезинфекция жұмыстарына 433 адам, яғни 62 бригада жұмылдырылды. Жұмысқа 76 200 мың литр дайын ерітінді қолданылды. Осылайша 20 кезеңі аяқталды. 4 маусымдағы 21 кезең басталды. Жоспар бойынша алғашқы күні 2860 үйдің 7877 кіреберісі мен 1318 аула өңделді. Жұмысқа 444 адамы бар 64 бригада тартылды.   Көшелер мен тротуарларды жуу және дезинфекциялау бойынша 3 маусым күні...
Сағынтаев алматылықтарды Мемлекеттік рәміздер күнімен құттықтады »»
04 маусым 2020 - 12:13
Алматы әкімі Б. Сағынтаев құттықтау сөздерін Twitter-дегі өзінің парақшасында жариялады.   Алматылықтарға жылы лебізін білдірген Бақытжан Сағынтаев қиындықтарды еңсере білуді және қуаныштар шуағын сезінуді тіледі. «Мемлекеттік рәміздер күнімен құттықтаймын! Барлық қиындықты бірге еңсеріп, қуанышқа себеп көп болсын. Туған қаламыз бен Отанға деген махаббатымызды өнегелі істеріміз және қол жеткізген биік жетістіктеріміз арқылы көрсетейік», — деп жазды Алматы әкімі....
Алматы қаласындағы көпқабатты тұрғын үйлерді, балалар және спорт алаңдарын 4 маусым күнгі дезинфекциялау кестесі »»
04 маусым 2020 - 10:53
Алмалы ауданы бойынша: Абай – Назарбаев – Райымбек – Сейфуллин – Байтұрсынов көшелерінің шаршы аумағы   Алатау ауданы бойынша: Самғау, Алмалы, Алатау сити, Зерделі, 13 терр., 14 терр.   Әуезов ауданы бойынша: Райымбек даңғылы, Саин, Жұбанов, Қабдолов, Алтынсарин, ықш.:1, 2, 3, 4, 5, 6, 7, 12, Сайран, Өтеген батыр к-сі, Төле би, Тастақ-1 ықш.   Бостандық ауданы бойынша: Әл-Фараби даңғылы – Назарбаев даңғылы – Абай даңғылы – Жароков көшесінің шарш...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz, kancelaria@a-a.kz