^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сейсенбі, 2 маусым 2020
 
     
 
Жаңалықтар
Алматыда Елбасының әлеуметтік бағдарламаларын жүзеге асырудың барысы қаралды
18 сәуір 2019

Алматыда «Nur Otan» қалалық филиалының кезектен тыс конференциясы кезінде партияның төрағасы Нұрсұлтан Назарбаевтың бастамасы бойынша «Бақытты отбасы», «Құтты мекен» және «Халыққа көмек» әлеуметтік бағадарламаларын жүзеге асырудың барысы қаралды.

Алматы әкімі Бауыржан Байбек жоғарыда аталған бағдарламаларды жүзеге асыру аясында аз қамтылған және көпбалалы отбасыларға қолдау көрсету үшін «Бақытты отбасы» қалалық Жол картасы жасалғанын атап өтті. Жалпы қазіргі кезде қалалық бюджеттің 50%-ы әлеуметтік сала мәселелерін шешу мен орындауға бағытталған.

«Біз бір терезе қағидасы бойынша жұмыс істейтін Орталық нысанын белгіледік. Енді көмекке зәру кез-келген әйел осында келіп, кеңес алады әрі мұнда жеке балалар бөлмелері болады. Орталықта ең алдымен көпбалалы аналардың өздері жұмыс істейді. Бұдан өзге, мамырдан бастап алғашқы 200 отбасы жаңа пәтерлерін ала бастайды. Өздеріңіз білесіздер, партия жетекшісі осы мәселелердің барлығын бақылауда ұстауда. Елбасының тапсырмасымен бөлінген қаржы иесіне жетуі тиіс. Жергілікті жердегі қызметкерлер еш кедергі жасамай, әркімге адамгершілікпен қарап, түсіндірулері, айтулары тиіс. Маңыздысы - дер кезінде назар аудару мен қамқорлық көрсету. Бұл жұмысты ұйымдастыруда біздің барлық ресурстарымыз бар», - деді Бауыржан Байбек.

Қалалық мәслихат депутаты Гүлнас Ахметова партия аясында құрылған «Бақытты отбасы» қайырымдылық қорының аралық кезеңдегі жұмысын қорытындылап, қазірдің өзінде Алматының 1086 отбасына көмек көрсетілгенін айтты.

«Мысалы, газ орнатудың, үйді жөндеудің шығындары төленді, асыраушысынан айрылған отбасыларға материалдық көмек көрсетілді. Қор және «Nur Otan» партиясы депутаттық фракциясының мүшелері 71 отбасын тұрақты қамқорлыққа алды. Бізге тек Алматы тұрғындарынан ғана емес, Қазақстанның өзге өңірлерінен де сұраныстар түсуде, ісімізге қызығушылық танытуда әрі қажетті кеңестер алуда», - деді ол.

Бастауыш партия ұйымының төрағасы Ғани Тәжиев әлеуметтік және инфрақұрылымдық жобалардың іске асуына партиялық бақылауды күшейту жөніндегі «Құтты мекен» бағдарламасының Алматы үшін ерекше маңызды екенін айтты.

«Соңғы 3 жыл ішінде қалада 1500-ден астам аула жөнделді, саябақтар мен скверлер жаңарды, қала орталығының 60%-ы модернизацияланды. Көптеген мегаполистерде мобилділік сапалы өмірдің басты көрсеткіші болып табылады, сондықтан қалада кешенді көлік реформасы жүруде. BRT желісі жұмыс істеуде, заманауи LRT трамвай желісін іске қосу жоспарланған, жыл сайын жол жөндеу сапасы артуда. Үш жыл ішінде 10 мыңнан астам отбасы тұрғын үймен қамтылды. Бұл - 2375 көпбалалы отбасы, 564 мүгедек, 345 жетім балалар, 165 зейнеткерлер мен ардагерлер. Алматыда «Бюджетке қатысу» пилотты жобасы қолға алынады, оның аясында әр ауданға бөлінген нақтылы соманы тұрғындардың өздері бөлетін болады», - деді Ғани Тәжиев.

«Алматы қаласын дамыту Орталығы» АҚ-ы басқармасының төрайымы Жанна Төлегенова коммуналды қызметтерді цифрландыру және тұрғындармен кері байланыс аясын кеңейту жөнінде айтып берді.

«Nur Otan» партиясы халықтың күнделікті мәселелерін шешуге белсенді түрде араласуда әрі бұл іс Елбасының тапсырмасымен қолға алынған «Халыққа көмек» жобасын жүзеге асыруда күшейе түсуде. Цифрландыру арқасында қала тұрғындарымен тығыз байланыс орнап, онлайн өтініштер барысында сүбелі сұхбат қалыптасты. Азаматтар өтініштерін саралау барысында тенденциялар анықталуда, тұрғындардың өмір сүру сапасын жақсарту үшін нақтылы проблемаларды шешудің жүйесі ұйымдастырылуда. Қарашада халықпен байланыстың Бірыңғай байланыс орталығын іске асыру жоспарланған, мұнда қала басқармаларының, аудан әкімдіктерінің, апатты және коммуналды қызметтердің барлық байланыс көздері бір нөмірге бірігеді. Қала сервистерінің Үйі ашылады, Алматының барлық коммуналдық қызметтері төлемдерді қайта есептеп, жұмыс сапасына және басқаларға қатысты шағымдарды қабылдайтын болады», - деп қорытындылады сөзін Жанна Төлегенова.

Мегаполис әкімі өз кезегінде кері байланыстың түрлі арналарын іске қосу барысында қала тұрғындары тұрмысының едәуір жеңілдегенін айтты. Егер бұрын бір жерге бару, кезекке тұру және өтініш жазу керек болса, енді үйден шықпай-ақ бар мәселені шешуге болады.

«Кейде адамдардың қайда баратынын, не істейтінін білмей, абдырап қалатын кездері болады. Әрі бұлардың барлығы регламентсіз еді. Мәселенің біреуі шешімін табатын, екіншісі сол күйі қалатын. Орындалу мерзімдері әр түрлі болатын, яғни субъективті фактор жоғары еді. Енді әкімдіктің электронды қоғамдық қабылдауы «Open Almaty» арқылы осындай екі мың жағдайға қатысты нақтылы алгоритм қалыптасты, мәселені кім шешетіні, кім бақылауға алатыны белгілі», - деп атап өтті Бауыржан Байбек.

Конференция барысында Нұр-Сұлтан қаласында 23 сәуірде өтетін «Nur Otan» партиясының кезектен тыс XIX Съезіне қатысатын делегаттар анықталды.

  «« | »» «  | Барлық жаңалықтар


Алматыда 2 мыңға жуық кәсіпкерлік субъектілердің карантин шараларын сақтау талаптары тексерілді »»
02 маусым 2020 - 15:41
Бұл туралы Алматы қаласының Өңірлік коммуникациялар қызметінің алаңында өткен брифинг барысында қаланың мемлекеттік бас санитар дәрігері Ж. Бекшин айтты. Еске салсақ, бірқатар кәсіпорындар өз жұмыстарын қайтадан бастады. Алматы қаласының әкімі Бақытжан Сағынтаевтың бастамасымен әрбір аудандық әкімдіктерде кәсіпкерлік субъектілердің санитарлық-эпидемиологиялық талаптарды сақтауын қадағалау бойынша мониторингтік топтар құрылған. Бекітілген мониторингтік топтардың құрамына Алматы қаласының Тауарлар мен көрсе...
Бекшин: Блокбекеттер алынғанмен, карантин режимі сақталады »»
02 маусым 2020 - 15:33
Алматы қаласының Өңірлік коммуникациялар қызметінің алаңында өткен онлайн брифинг барысында қаланың мемлекеттік бас санитар дәрігері Жандарбек Бекшин қала тұрғындарын блокбекеттердің алынғанына қарамастан, санитарлық-эпидемиологиялық шараларды ұстануға шақырды.   Қала тұрғындары санитарлық-эпидемиологиялық талаптарды, маска тағу режимін және әлеуметтік қашықтықты қатаң сақтаулары тиіс. Көпшілік орындарға барудан сақ болу қажет. Бүгінгі таңда Алматыда коронавирус инфекциясын жұқтырудың 2 647 жағдайы ...
2020 жылдың 2 маусым күнгі жағдай бойынша жалпыға ортақ қоғамдық орындардың дезинфекциясы туралы  »»
02 маусым 2020 - 12:43
Кіреберістер мен аулалар бойынша 1 маусымға жоспарланған 7877 кіреберіс (2860 үйде) және 1318 аула аумағы 100% залалсыздандырылды. Дезинфекция жұмыстарына 443 адам, яғни 64 бригада жұмылдырылды. Жұмысқа 76,0 мың литр дайын ерітінді қолданылды. 2 маусымдағы жоспар бойынша 3038 үйдің 8363 кіреберісі мен 1440 аула залалсыздандырылды. Жұмысқа 444 адамы бар 64 бригада тартылды.   Көшелер мен тротуарларды жуу және дезинфекциялау бойынша 1 маусым күні 5 123 мың шаршы метр көше, оның ішінде 658 сауда ны...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz, kancelaria@a-a.kz