^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 13 шілде 2020
 
     
 
Жаңалықтар
Алматының автобус паркі 100%-ға дейін жаңарады
22 мамыр 2019

Алматыда қалалық көлік рефермасының аралық қорытындысы шығарылды. Үш жыл ішінде 1113 жаңа автобустар сатып алынды, еліміздегі алғашқы BRT желісі іске қосылды, каршэринг пен велопрокат қызметі енгізілді. Метроның екі жаңа бекетінің құрылысы жалғасуда және LRT жеңіл рельсті трамвай жобасы жүзеге асуда.

Бүгінгі күні Алматының автобус паркі 80%-ға жаңарды. Бұған қаржыны көлеңкелі айналымнан шығаруға ықпал еткен «Оңай» жүйесі арқылы қолжетті. Қазіргі кезде барлық транзакцияның 97%-ы қолма-қол ақысыз жүруде. Халықтың арасына жолақысын QR-коды арқылы төлеу тарай бастады.

Жолақыдан түскен табыстың ашықтығы тасымалдушыларға паркті жаңартуға және қызмет сапасын жақсартуға мүмкіндік берді. Көлік холдингінің мәліметі бойынша, егер «БАТУ TRAVEL» жеке тасымалдаушының өткен жылғы сәуір айындағы субсидиясыз және өтемақысыз кірісі 4,7 млн. теңге болса, биылғы жылдың сәуірінде бұл цифр 12,3 млн. теңгеге жетті. «ДУМАН ТРАНС» жеке тасымалдаушының осы кезеңдегі табысы 1,8 есе өсті.

«Биыл Алматының автобус паркі 100%-ға дейін жаңарады. Жақында тағы 500 автобус жеткізіледі, олардың 200 газбен жүреді және 60 «гармошкалы». Қала тұрғындарының Instagram арқылы маған жолдаған өтініштерін ескере отырып, 38-ші бағытты жаңартуды тапсырдым. Оған газбен жүретін 18 метрлі жаңа автобустар жіберіледі. Комментарийлерде 48-ші бағытты жаңартуды сұрайды. Жаңартамыз», - деді Бауыржан Байбек.

Қала экологиясын жақсарту үшін электр көлігі енгізіледі. Ол үшін электроавтобустардың үшінші буынын шығаратын қазақстандық-германдық-гонконгтік зауыт және 300 орынды автобус паркі салынды. «made in Almaty» маркалы алғашқы 10 автобус бірнеше күннен соң рейске шығады. Троллейбустың контактілі желісін реконструкциялаудың ЖСҚ жасалды.

Қала әкімі көлік холдингіне барған кезде BRT желісін енгізгелі бері жолаушы ағынының 40%-ға артқаны, жолға кететін уақыттың 15 минутқа қысқарғаны айтылды Полиция департаментінің мәліметі бойынша биылғы жылдың қаңтар- сәуір айларында ЖКО 24%-ға азайған.

Жаздың аяғына дейін бюджеттен тыс қаржы есебінен бекет кешендеріне тағы 50 электронды таблолар орнатылады. Көлік холдингі велошеринг, такси, Іле Аталау табиғи паркіне бару сияқты қызметтерді жүзеге асыру үшін «Оңай» жүйесін интеграциялау бойынша келіссөздер жүргізуде.



  «« | »» «  | Барлық жаңалықтар


Сағынтаев: COVID-19-дың науқастарын емдеу үшін қосымша және резервтік орындар құрылады »»
11 шілде 2020 - 16:00
Алматы қаласының әкімі Бақытжан Сағынтаев Halyk Arena-дағы коронавирустық инфекциясы бар науқастарды емдейтін аурухана ретінде жұмыс істеуге дайындық барысымен танысты.   Қала әкімі өзінің Instagram-дағы парақшасында қаладағы инфекциялық және провизорлық ауруханаларға қосымша орындар ұйымдастыру туралы жазды. «Қаладағы жұқпалы және провизорлық стационарлар үшін қосымша ашылуға тиіс орындардың ұйымдастыру барысымен таныстым. Halyk Arena-да 1 мың орынға арналған, соның ішінде реанимациялық 60 ор...
Алматыда бүгін кеңауқымды акция бастау алды «Өзіңді сақта! Жақындарыңды сақта! Бетперде ки!» »»
10 шілде 2020 - 22:01
Оның мақсаты — азаматтардың назарын қарапайым талаптарға аударту, сол талаптарды орындау оларды қауіпті вирусты жұқтырудан сақтайды.   Бетперде киіп, карантин талаптарын сақтай отырып, алдымен біз тек өзіміз жайлы ғана емес, сонымен бірге, өзіміздің ең жақын жандарымыз, балаларымыз бен ата-аналарымыздың да қамын ойлаймыз. Дәл осы адамдар үшін ол өте қауіпті және қатерлі болуы мүмкін. Өзіңіз бен өзіңіздің отбасыңызды қорғаңыз, вирусты тоқтатуға көмектесіңіз! Бұл қазір әрқайсымызға байланысты!...
Алматы әуежайына COVID-19 қарсы дәрілік препараттардың ірі партиясы жеткізілді »»
10 шілде 2020 - 16:30
Алматы қаласының халықаралық әуежайына дәрілік препараттары бар бірінші әуе рейсі келіп қонды.   Бүгін барлығы екі рейспен Ресейден 55 тонна медикамент жеткізіледі, жүк құрамында әлеуметтік маңызды 10-нан астам препарат атауы бойынша шамамен 3 млн қаптама, соның ішінде, дене қызуын түсіретін және COVID-19-ға қарсы басқа да дәрілік құралдар бар. Тізімде — азитромицин, цефтазидим, ибупрофен, фраксипарин, метронидазол, цефтриаксон, гепарин, нимесулид, левофлоксацин, меропенем порошок, эноксапарин ...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz