^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 27 маусым 2019
 
     
 
Жаңалықтар
Алматыда XVI Еуразия Медиа форумы өтуде
23 мамыр 2019

Алматыда әлемнің 50 елінің 600-ден астам өкілдері жиналған XVI Еуразия Медиа форумы өтуде. Танымал журналистер, белгілі қоғам қайраткерлері мен беделді саясаткерлер Қазақстан мен халықаралық қоғамдастықтың геосаяси, экономикалық және әлеуметтік мәдени дамуының маңызды мәселелерін талқылауда.

Форумға қатысушыларды құттықтаған мегаполис әкімі Бауыржан Байбек 17 жыл бұрын алғаш Алматыда тұсауы кесілген Еуразия Медиа форуымының бүгінде медиа саласының кәсіптік өзекті мәселелерімен қатар әлем қоғамдастығын толғандыратын маңызды тақырыптарды талқылайтын беделді халықаралық сұхбат алаңына айналғанын атап өтті.

«Масс-медиа – өмірдің журналистер арқылы ұсынылған көрінісі ғана емес, сонымен бірге ол қоғам өмірін бағыттауға, жаңа қарым-қатынас мәдениетін қалыптастыруға ықпал ететін аса қуатты ақпараттық институт. Алматы – қашаннан белсенді азаматтар қаласы, осынау мазмұнды да мақсаты биік форумның өтуі қалалықтардың үлкен қызығушылығын тудырады. Бүгінгі күні қалада 4 мыңнан астам үкіметтік емес ұйымдар және 1 мыңнан астам бұқаралық ақпарат құралдары қызмет етеді. Сарапшылар қауымының белсенділігі жоғары. Қаламызды дамытуда жұртшылық пікірін ескеру мақсатында азаматтық қоғаммен және тұрғындармен өзара тығыз байланыстың жаңа тетіктері қолға алынған», - деді Бауыржан Байбек.

Мысалы, әкімдіктің «Open Almaty» қоғамдық қабылдауы ойдағыдай жұмыс істеуде. Биылғы жылдан бастап Экономикалық ынтымақтастық және даму ұйымының бюджеттің 1 пайызын қайда жұмсауды тұрғындар ырқына беру жөніндегі ұсынысына сәйкес «Бюджетке қатысу» жобасы іске қосылады. Алматының әр ауданында тұрғындар өздері ұсыныс енгізе отырып, дауыс беру арқылы қаржының қайда жұмсалатынын анықтайтын болады.

«Орнықты мемлекеттіліктің кепілі мызғымас құндылықтарға табан тіреу болып табылады. Бұл құндылықтар әлем қалай дамыса да өзгермейді, адамзатпен бірге жасай береді. Олардың қатарында ізгілік, әдептілік, ынтымақ, білімге құштардық, үйлесім бар. Бұлар кез-келген қоғамның негізі болып табылады. Трансформациялық процестер қарқын алған қазіргі кезеңде бұл құндылықтардың өзектілігі барынша артуда. Ал осынау адамзатқа ортақ асыл құндылықтарды тарату мен қалыптастыруда БАҚ-тың маңызы жоғары. Сондықтан әлемдегі ілгерішіл де ойлы тұлғалардың сараптама алаңына айналып отырған Еуразиялық Медиа форумы адамзаттың әрі қарай дамуының негізгі бағыттарын белгілеуге, ынтымақтастықты ілгерілетуге, жалпы айтқанда әлемді жақсартуға қызмет ете береді деп сенемін», - деп атап өтті қала әкімі.

Алматы - әлемдік деңгейдегі басқосулар мен келіссөздер алаңы, өңірдегі ірі мегаполис. Соңғы жылдары қалада Дүниежүзілік денсаулық сақтау ұйымының Мэрлер саммиті, Бүкіләлемдік 28-ші Қысқы Универсиада ойындары жоғары деңгейде өтті. Алғаш рет Экономикалық ынтымақтастық және даму ұйымының аумағынан тыс «Еуразия апталығы», қатысушылары «Цифрлық Давос» деп бағалаған Еуразиялық экономикалық одақтың Цифрландыру жөніндегі форумы екінші рет өткізілді.

«Алматыда жыл сайын 50-ден астам халықаралық бұқаралық мәдени және спорттық іс-шаралар, джаз, классикалық және этникалық музыка фестивальдері өкізіледі. Мысалы осы сенбіде қаламызда дәстүрлі «The Spirit of Tengri» халықаралық этникалық әуен фестивалі өтеді. Мен демалыс күндері қаламызда болатын форумға қатысушылардың барлығын осы айшықты фестивальдің құрметті қонағы болуға шақырамын. Барлықтарыңызға жылы қонақжайлылықты сезінуді, ғажап табиғат пен қаламыздың көрнекі орындарынан нәр алуды, біздің ұлттық мәдениетіміз туралы көп білуді тілеймін», - деді Бауыржан Байбек.

  «« | »» «  | Барлық жаңалықтар


Алматыда автобустар санын 4 есе арттыру жоспарлануда »»
25 маусым 2019 - 16:35
Алматы әкімі Бауыржан Байбек автобус техникасының, аксессуарлар мен қызмет көрсетудің «BUSWORLD Central Asia 2019» халықаралық көрмесінің ашылуына қатысты. Көрме өзінің жартығасырлық тарихында алғаш рет Орталық Азияда өтуде. Қала әкімі өзінің сөзінде көлік реформасын жүргізіп отырған Алматы үшін «өз уақытын» экспорттық айналымда тексерудің және халықаралық тәжірбие жинақтаудың өте маңызды екенін айтты. «Халықтың мобилділігі - үлкен қалаларда өмір сүрудің басты критерийі. Қаз...
Алматыда Шәмші Қалдаяқов пен Балуан Шолаққа ескерткіш орнатылады »»
19 маусым 2019 - 14:32
Алматы әкімі Бауыржан Байбек Шәмші Қалдаяқов пен Балуан Шолаққа болашақта орнатылатын ескерткіштердің эскиздерімен танысты. Барлық жобаларды комиссия ашық конкурсқа түскен 50-ге жуық өтінімнің арасынан таңдап алды. Мысалы, Шәмші Қалдаяқовтың қола ескерткіші жыл аяғына дейін Республика Сарайы мен Қазақстан қонақүйі арасындағы скверге қойылады. Ал, қазақтың аты аңызға айналған палуанының скульптурасы Абай даңғылы бойындағы Балуан Шолақ атындағы Спорт сарайының алдына орнатылады. Қазақ фольклоры кейіпкерлері...
Алматыда жастар үшін тағы бір коворкинг-орталық ашылды »»
19 маусым 2019 - 13:46
Елбасының Жастар жылын жариялауы аясында Алматыда «Nur Otan» партиясы қалалық филиалының базасында еліміздегі алғашқы «Jas Otan» коворкинг-орталығы ашылды. Open Space қағидасы бойынша жаңа жастар орталығы бірнеше аймақтарға бөлінген, олар: IT station, 1000 әдебиетті кітапханасы бар Reading platform, семинарлар, тренингтер өтетін Meeting room және басқалары. Осының барлығына қаладағы белгілі меценаттар Әміржан Нәбиевтің, Вячеслав Банщиковтың және Қайыржан Мимикеновтың қолдауы арқасы...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13