^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 19 қаңтар 2020
 
     
 
Жаңалықтар
Жылжымалы медициналық кешендер арқылы 6 мыңға жуық адам қаралды
13 тамыз 2019

Бүгін, 13 тамызда Алматы әкімдігінің баспасөз-орталығында Қоғамдық денсаулық басқармасының басшысы денсаулық айлығын және медмекемелердің жабдықталуына орай аудит өткізуге қатысты журналистер қойған сұрақтарға жауап берді.

 

Қанат Төсекбаев өзінің сөзінде қала әкімі Бақытжан Сағынтаевтың тапсырмасы бойынша сапалы медициналық қызметке қолжеткізу үшін басқарманың мобильді топтарды жасақтағанын айтты. Басқармаға бағынышты Алматы қаласындағы медициналық мекемелер 1-30 тамыз аралығында өтіп жатқан айлыққа қатысуда.

 

Басты мақсат – бір қадам жақын медициналық қызметті қамтамасыз ету. Сонымен қатар, азаматтардың денсаулығын сақтау және қолдау көрсету, аурудың алдын алу мен дамуына жол бермеу міндет етілді.

Қаланың шет аймағындағы ықшам аудандар тұрғындарына баса назар аударылды, оларға кеңес берілді және бір қадам жақын медициналық көмек көрсетілді.

Жылжымалы кешендер халықты дұрыс қарау үшін заманауи қондырғылармен жабдықталды. Жоғары маманданған медицина қызметкерлері, олардың ішінде терапевтер, педиаторлар, кардиологтар, хирургтер, лор және басқа кәсіби дәрігерлер қабылдаулар жүргізді.

Айлық барысында пациенттер холестерин деңгейін, қандағы қант мөлшерін білді, экспресс-тестілеу жүргізу арқылы ВИЧ-инфекциясы мен терінің созылмалы ауруларының бар-жоғы және антропометрия арқылы дене массасының индексі анықталды, көз қысымы өлшенді, ФГ-тексеру жүргізілді, фтизиатр және басқалары қабылдаулар жасады.

Айлық аясында медицина қызметкерлері халыққа Регистр арқылы тіркелу және мобильді қосымшалар орнату бойынша ақпараттық–түсіндіру жұмыстарын жүргізді.

1 -13 тамыз аралығында қаланың 20-дан астам шет аймақтарындағы 5704 тұрғын бірқатар медициналық тексеруден тегін өтті және түрлі кеңестер алды.

Қоғамдық Денсаулық басқармасының басшысы Алматы әкімінің тапсырмасы бойыншамедмекемелердің жабдықталуына орай аудит жүргізілгенін айтты. Аудит 71 емдеу мекемесін, оның ішінде 14 стационарды, ЖМЖЖ-нің 38 ұйымын, 7 босану және 12 басқа да мекемелерді қамтыды.

Мониторинг 4 критерий бойынша жүрді, олар: санитарлық-гигиена, емдеу мекемелері мен олардың бөлімшелерінің эпидемиологиялық жағдайы, медицина қалдықтарын жинаудың, залалсыздандыру мен сақтаудың санитарлық–эпидемиологиялық талаптарының орындалуы, қабылдау бөлімдерінің «3H» жүйесіне сай болуы, ЖМЖЖ мен стационарлардың жарақтанудың минималды стандарттарына сай болуы.

Қала емханалары мен ауруханаларының жоғары дәлдікті көрсететін қондырғылармен жабдықталуы 60 %-ке жуық. № 20, 21, 25, 26, 27 емханаларда бұл көрсеткіш 22 %-ға жетпейді. Биылғы жылы осы емханалар үшін жоғары технологиялы диагностикалық қондырғылардың 35 бірлігі алынды: УЗИ, рентген, флюорограф және маммограф, тағы басқалары.

2022 жылдың соңына дейін қала медицина мекемелерінің жабдықталуы 90 %-дан кем болмауы тиіс.

Сонымен қатар, биыл және келер жылы МЖӘ жобаларын белсенді жүзеге асыру жоспарланған.

Мысалы, инвестициялық шығынды қайтармай-ақ, қаланың медицина ұйымдарында қымбат диагностикалық қондырғыларды орнатуға мүмкіндік бар. №7 қалалық клиникалық аурухананың кардиохирургиялық бөлімінде 5 жылға дейінгі мерзімге МЖӘ жобасы жасалуда.

Жедел медициналық қызмет көрсетудің жарақтануына келетін болсақ, мұнда тозығы жеткен автокөлік 70 %-ды құрайды. 2020 жылы санитарлық автокөліктің 70 бірлігін сатып алу жоспарланған және аталған қызметтің жабдықталуы 88 %-ға дейін жететін болады.

  «« | »» «  | Барлық жаңалықтар


Сағынтаев Президенттік жастар кадрлар резервінен аудандар әкімдерін тағайындады »»
17 қаңтар 2020 - 19:27
Алматының Алатау және Түрксіб аудандарының жаңа әкімдері тағайындалды   Алматы әкімінің өкімімен, Президент Әкімшілігінің және қалалық мәслихат депутаттарының келісімімен Алатау және Түрксіб аудандарының әкімдері болып Азамат Қалдыбеков және Бақытжан Ақжаров тағайындалды. Аудандардың жаңа әкімдерін таныстырған Алматы әкімі Бақытжан Сағынтаев олардың Президенттік жастар кадрлары резервінің өкілдері екенін атап көрсетті. «Мемлекет басшысының дарынды жастар үшін ашық және тиімді әлеуметтік лифт ...
Алматы әкімінің бастамасымен мегаполисте таяу арадағы 3 жыл ішінде миллионға жуық ағаш отырғызылады »»
17 қаңтар 2020 - 18:49
Алматы қаласы әкімдігінің алаңында өткен баспасөз мәслихатында жасыл экономика басқармасының басшысы Ержан Сейтенов «Алматы қаласының ерекше мәртебесі туралы» Заңына енгізілген өзгерістер мен толықтырулар аясында жасыл қорды дамыту перспективалары туралы айтты.   Естеріңізге сала кетейік, 2019 жылы 28 желтоқсанда ҚР Президенті Қасым-Жомарт Тоқаев «Алматы қаласының ерекше мәртебесі туралы» ҚР Заңына өзгерістер мен толықтырулар енгізуге қол қойды. Алматы әкімдігі 28 жаңа құзірет...
«Алматы қаласының ерекше мәртебесі туралы» Заңына енгізілген өзгерістер жасыл қорды дамыту мүмкіндіктерін кеңейтеді »»
17 қаңтар 2020 - 12:54
Алматы қаласы әкімдігінің алаңында өткен баспасөз мәслихатында жасыл экономика басқармасының басшысы Ержан Сейтенов «Алматы қаласының ерекше мәртебесі туралы» Заңына енгізілген өзгерістер мен толықтырулар аясында жасыл қорды дамыту перспективалары туралы айтты.   Сондай-ақ баспасөз конференциясына «Алматы қаласын дамыту орталығы» АҚ басқарушы директоры Батыр Әлімжанов пен Қазақстанның көгалдандыру қауымдастығының президенті Татьяна Антоненко қатысты. Естеріңізге сала кетейік...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56