^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 17 ақпан 2020
 
     
 
Жаңалықтар
Алматыда жастардың «Central Asia Youth Festival» I Орта Азиялық фестивалі өтуде
22 тамыз 2019

Фестивальдың ашылу сәтінде ҚР Тұңғыш Президенті- Елбасы Қорының атқарушы директоры Әсет Исекешов, Алматы әкімі Бақытжан Сағынтаев, Ақпарат және қоғамдық даму вице-министрі Марат Әзілханов құттықтау сөздерін айтты.

 

«Бүгінгі күні адами капитал – ұлт жетістігінің басты факторы.Фестивальдің шабыт беретін, нақтылы бағытты айқындайтын алғашқы қарлығаш жәнесіздердің әрқайсыларыңыздың бейбітшілік пен келісімнің ұйтқысы екендіктеріңізге сенімдімін. Біздің фестиваль – бұл тек алғашқы қадам ғана, ал болашақта бізді ұзақ және барынша нәтижелі жол күтіп тұр. Ақ жол, достарым менің!», – деді өзінің құттықтау сөзін оқыған ҚР Тұңғыш Президенті - Елбасы Қорының атқарушы директоры Әсет Исекешов.

Қала әкімі Бақытжан Сағынтаев келер жылы Алматыда Орталық Азияның еріктілері мен еріктілер ұйымдарының Жастар форумын өткізуді ұсынды.

Қала басшысы мемлекеттің дамуындағы жастардың ерекше рөлі және ел Президенті Қ-Ж. Тоқаевтың алдағы 2020 жылды Еріктілер жылы деп жариялауы жастар арасындағы ынтымақтастықты нығайтуға оң ықпал ететінін атап өтті.

«Жастардың тікелей араласуы стратегиялық серіктестікті, достық пен тату көрші болуды нығайтудың басты шарты болып табылады. Сондықтан Қазақстанның Тұңғыш Президентінің қорына, ББҰ-ның өкілдігіне, өзге де ынталы ұйымдар мен қонақтарға - жалпы барлықтарыңызға 2020 жылы Алматыда Орта Азияның еріктілері мен еріктілер ұйымдарының Жастар форумын өткізу мүмкіндігін қарастыруды ұсынамын», - деді Б. Сағынтаев.

ҚР Тұңғыш Президентінің – Елбасының Қоры мен Алматы әкімдігі өткізіп отырған бұл фестиваль Қазақстандағы Жастар жылына арналған. Алқалы шараны өткізудегі Қордың серіктестері – БҰҰ, ЕҚЫҰ және Конрад Аденауэрдің қоры.    

Шара жастар жетекшілерінің әлеуетін арттыруға, Орта Азия жастары үшін тұрақты диалог алаңын, өңірлік интеграцияны, серіктестікті құруға, ел өңірлері жастарының ресурстарын ортақ іске кеңінен жұмылдыруға, жастар саясатындағы озық тәжірибелерді алмасуға бағытталған.

Фестивальдің жұмысына ҚР Тұңғыш Президенті – Елбасы Қорының атқарушы директоры Әсет Исекешов қатысты.

Алқалы жиынға әр елден – Қазақстаннан, Қырғызстан мен Өзбекстаннан және Әзірбайжаннан 300-ден астам қонақтар қатысады деп күтілуде. Олар - халықаралық ұйымдардың мүшелері, жастар жетекшілері, сарапшылар, қоғам, мәдениет пен ғылым қайраткерлері, стартап-кәсіпкерлер, спортшылар.

Фестиваль аясында оған қатысушылар өңірлік маңызды мәселелер мен проблемаларды кеңінен талқылайды. Сессия жұмысында IT-технологияға, киберқауіпсіздікке, миграция проблемаларына, зияткерлік капиталды сақтауға, салауатты өмір салтын қалыптастыруға, қолжетімді білімге, полиэтникалық қоғам – бейбітшілік пен келісім моделіне ерекше назар аударылатын болады.








  «« | »» «  | Барлық жаңалықтар


2020 жылдың 16 ақпанында Алматыдағы қарды тазалау бойынша ақпарат »»
16 ақпан 2020 - 09:31
16 ақпан күні Алматы қаласында түнгі сағат 03.00-де бастаған жаңбырдың арты қарға айналды.   Көктайғақтың алдын алу мақсатында жолдарға, жол қиылыстары мен жолайрықтарға тайғаққа қарсы материал себілді. Сағат 09.00-дегі жағдай бойынша тайғаққа қарсы 3073 тонна материал пайдаланылды. Сағат 05.00-ден бастап қар тазалайтын көліктерден колонналар ұйымдастырылды. Олардың кедергісіз жүруі үшін жол полициясының патрульдік машиналары көмекке келді. Тротуарларды, жаяу жүргіншілер аймақтарын, қоғамдық көлік ...
Алматыда экологияны жақсарту бойынша құрамында сарапшылар мен экобелсенділері бар жұмыс тобы құрылды »»
15 ақпан 2020 - 18:23
2020 жылдың 15 ақпанында Тұрақты даму комитетінің кеңейтілген отырысында экобелсенділер мен Алматы қаласы әкімдігінің арасында өзара ашық диалог өтті.   Басқосуға Алматы қаласы әкімінің бірінші орынбасары Е.Қожағапанов пен әкімнің орынбасарлары Е.Бабақұмаров, М.Әзірбаев, сарапшылар қауымдастығының өкілдері мен экобелсенділер, олардың ішінде А.Төлесова, А. Ерекенов, С. Мартемьянов, А. Жандосова, С. Ташимова, А. Наурызбаев қатысты. Сондай-ақ, «Самұрық-Энерго» АҚ-ның Алматыдағы ЖЭО басшылығ...
Назарбаев Зияткерлік мектептерінің білім беру тәжірибесін қала мектептеріне тарату қажет - Е. Бабақұмаров »»
14 ақпан 2020 - 17:16
Бүгін Алматы қаласы әкімінің орынбасары Е. Бабақұмаровтың төрағалығымен Алматы қаласындағы физика-математика бағытындағы Назарбаев Зияткерлік мектебі Қамқоршылық кеңесінің отырысы өтті.   Оған «Назарбаев Зияткерлік мектептері» ДББҰ Басқарма төрағасы К. Шәмшидинова мен Қамқоршылық кеңес мүшелері: Алматы қаласы Білім басқармасының басшысы Л. Жылқыбаева, Алматы қаласы мәслихатының депутаты А. Нәбиев, Алматы қаласы «Физика-математикалық бағыттағы Назарбаев Зияткерлік мектебі» фили...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56