^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 19 ақпан 2020
 
     
 
Жаңалықтар
Алматыда «Кәсіп алаңы» мотивациялық курстары басталды
18 қыркүйек 2019

Екі аптаның ішінде курсқа шамамен 2300 адам қатысты. Жоспар бойынша аталған курс пен вебинарлар 80 000 алматылықты қамтуды көздейді.

 

«Кәсіп алаңы» атты бір күндік мотивациялық семинарлар мен вебинарлар барысында танымал кәсіпкерлер, салалық сарапшылар, жетекші бизнес-тренерлер дұрыс бизнес құрып, нарықта өз орнын табу сияқты жеке ұсыныстармен бөліседі. Сондай-ақ мемлекеттік қолдаудың қолданыстағы шаралары туралы әңгімелейді. «Атамекен» ҚР ҰКП-ның қатысуымен қала әкімдігі әзірлеген «Almaty business–2025» бизнесті дамыту бойынша өңірлік бағдарламасы аясында жүзеге асырылатын бұл жоба жұмыссыз және өзін-өзі жұмыспен қамтыған жастарға, ісін жаңа бастаған кәсіпкерлер мен көпбалалы аналарға арналған. Бір күндік курстар мен вебинарлардың қорытындысы бойынша 80 мың адам қамтылу керек. «Кәсіп алаңы» мотивациялық семинарлары мегаполистің барлық сегіз ауданында 11 қыркүйек пен 18 қазан аралығында жоғары оқу орындары, жұмыс істеп тұрған кәсіпорындар, қаланың әмбебап базарлары және аудандық әкімдіктер базасында өтеді. Қатысушыларды тіркеу әкімдіктерде, «Атамекен» ҚР ҰКП, Халықты жұмыспен қамту орталығында, сондай-ақ онлайн тәртібі арқылы жүргізіледі. Ағымдағы жылдың 1 қазанынан бастап «Qoldaý.kz» сайтынан да вебинарлар беріле бастайды.

Семинарлар мен вебинарлардың негізгі тақырыптары - Алматы қаласының басым салалары: туризм, сауда, құрылыс, көлік, қонақ үй бизнесі, өндіріс, IT, қаржы, сақтандыру және басқа салалар. Курстар мен семинарларда салалық сарапшылар жаңа бастаған кәсіпкерлерге бизнесті жүргізудің моделін құру, бизнесті жылжыту мен дамыту бойынша кеңестер береді. Оқу жүйесі менеджмент, құқықтық қамтамасыз ету, бухгалтерлік есеп, маркетинг және басқа да бағыттарды қамтиды.

Қала әкімінің орынбасары Сапарбек Тұяқбаевтың айтуынша, аталған семинарлар мен вебинарлар курсқа қатысушыларды мемлекеттік қолдау шаралары туралы хабардар етпек. Мәселен, «Qoldaý» кәсіпкерлік орталығы өз қызметтерін таныстырады. Ол кәсіпкерлікті дамытудағы әкімшілік кедергілерді түбегейлі азайтуға бағытталған. Осы мақсатта «Qoldaý» өз алаңында барлық қажетті қызметтерді, яғни кеңес беру, сүйемелдеу, мемлекеттік және өзге де қызметтерді ұсыну бойынша бизнеспен өзара іс-қимыл жасау әдістерін жинақтаған.

- Өткен аптада бастау алған жоба құрамында барлық жастағы жұмыссыз әрі өзін-өзі жұмыспен қамтыған жастар, ісін жаңа бастаған кәсіпкерлер, көпбалалы аналар бар барлығы 2300-ден астам адамды қамтыды. Қатысушылар еліміздің жетекші кәсіпкерлері, сарапшылары мен жетекші бизнес-жаттықтырушыларының тәжірибесін, білімін алып, кәсіпкерлік негіздері курстарынан өтті. Жоспар бойынша бір күндік семинарлар мен вебинарлар қаланың барлық аудандарын қамтымақ. Біздің «Кәсіп алаңы» бағдарламамыз кәсіби дағдыларды арттыруға арналған платформа іспеттес. Жаңа мамандықты игеріп, білім алуға, соның ішінде шағын және орта бизнесті мемлекеттік қолдаудың тетіктері мен құралдары туралы білімін жетілдіретініне сенімдіміз. Биыл 80 мыңға жуық адам бір күндік мотивациялық курстар мен вебинарларға қатысады.

- Курс қорытындысы бойынша 10 мыңға жуық адам ісін жаңа бастаған кәсіпкерлерге арналған арнайы курстарға, 2 мыңнан астам адам жаңа мамандықтар алу үшін қысқа мерзімді курстарға жіберіледі, - деп атап өтті С.Тұяқбаев.

  «« | »» «  | Барлық жаңалықтар


Бақытжан Сағынтаев – Біз өзімізге жылдың соңына дейін Алматының барлық көшелерін жарықпен қамтамасыз етеміз деген биік мақсат қойдық »»
19 ақпан 2020 - 16:47
Бүгін мегаполис тұрғындарымен өткен есептік кездесуде Алматы қаласының әкімі Бақытжан Сағынтаев көшелерді жарықтандыру жұмыстары туралы мәлімдеді.   “Өткен жылы көшелерді жаңғыртуға бөлінген қаражат есебінен 300-ден астам магистральді көшелерді жарықтандырдық. Жарықтандыру мәселелері Алатау, Наурызбай, Жетісу аудандарында көтерілді. Біз жарық жүйесі жоқ барлық көшелердің тізімін қайта қарадық. Сондай мың көше анықталды. Жаңа жылдың басына қарай олардың саны екі мыңға жетті. Аудит және түгендеу...
Б. Сағынтаев – Біз спорттағы жаңа жұлдыздардың бағын ашамыз »»
19 ақпан 2020 - 16:48
Алматы қаласы әкімі Бақытжан Сағынтаевтың тұрғындармен өткен есептік кездесуінде жарысқа қатысатын балаларға қолдау көрсету шараларын кеңейту керектігін айтты. “Біз бюджет арқылы қолдау мәселелерін қарастырудамыз. Бұл бағытта тағы қосымша бағдармаларды әзірлеу керек. Егер балалар жақсы жетістіктерге жетіп жатса, біз оларды қолдауымыз керек. Сол арқылы біз Бекзат Саттарханов, Серік Сәпиев, Жақсылық Үшкемпіров сынды жаңа спорт жұлдыздарын, чемпиондарды тәрбиелейміз. Сонымен қатар, біз пәндік олимпиада...
Кәсіпкерлер аз қамтылған алматылықтардың газға қосылуына көмектеседі »»
19 ақпан 2020 - 16:54
Қала әкімі Бақытжан Сағынтаевтың тұрғындармен болған есептік кездесуінде бизнес-қауымдастықтың өкілі Сергей Спицын Медеу ауданындағы 50 отбасына газ қосып беруді қаржыландыруға дайын екендігін айтып, бастама көтерді.   "Мен Алматы кәсіпкерлер қауымдастығының атын келдім. Қаланың кез-келген тұрғыны сияқты біздің экология мені де қатты алаңдатады. Жылыту маусымы басталған кезде менің балаларым ауырады. Сондықтан мен Медеу ауданындағы 50 отбасына өз есебімнен газ қосып беруге дайынмын", &ndas...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56