^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жұма, 18 қыркүйек 2020
 
     
 
Жаңалықтар
Алматыда Бүкіләлемдік QS World Wide конференциясы өтуде
19 қыркүйек 2019

Әл-Фараби атындағы ҚазҰУ-де «Адами мұра және жоғары технологиялар үйлесімі негізінде жетілу» атты Халықаралық QS World Wide білім форумы өтуде.

 

Халықаралық білім форумына ҚР Премьер-Министрінің орынбасары Бердібек Сапарбаев, Алматы әкімі Бақытжан Сағынтаев, халықаралық ұйымдардың, БҰҰ, ЮНЕСКО-ның өкілдері, әлемге танымал ғалымдар, академиялық орта көшбасшылары, әлемнің барлық континенттеріндегі 40 елдің жоғары білім саласының сарапшылары қатысып, жоғары оқу орындарының танымалдығын арттыру, жаһандық адами капиталды қалыптастыруда олардың рөлі мәселелерін талқылайтын болады.

Форум жұмысын ашқан Бердібек Сапарбаев Үкімет басшысы Асқар Маминнің атынан оның құттықтау сөзін оқып берді.

Хатта «БҰҰ-ның «Академиялық ықпал» бағдарламасын тұрақты дамыту жөніндегі Жаһандық Хаб болып табылатын әл-Фараби атындағы Қазақ Ұлттық Университетінің қабырғасында бүгінгі саммиттің өтіп жатқандығы терең символикалық маңызға ие. Бүгінгі күні еліміз білім мен ғылымның бәсекеге қабілеттілігін арттыру міндетін шешу үстінде. Университеттерге академиялық дербестік берілген. Бұл шаралардың барлығы университеттердің ғылым-білім, технологиялық, және гуманитарлық кеңістіктердің эволюциялық процесстеріне ықпал етуін күшейтуге бағытталған» делінген.

Университеттердің жаһандық саммиті аясында жоғары деңгейдегі бірқатар маңызды шаралар өтеді, олар: QS World Wide бүкіләлемдік конференция және көрме; Әлемнің 130-дан астам жоғары оқу орындарын біріктіретін Жібек жолы (SUN) университеттері Альянсы Бас Ассамблеясының, түрлі континенттердің жетекші оқу орындары енген әлеуметтік-жауапкершілік мәнге (USRN) университеттердің Work Shop дүниежүзілік жүйесінің кеңестері.

«Халықаралық QS WorldWide білім форумының алғаш рет Орта Азияда, оның ішінде біздің күн сәулелі қаламызда өтуінің символикалық мәні бар. Өйткені дәл осы қалада еліміздің жоғары мектебі құрылды және ойдағыдай даму үстінде. Еліміздің әрбір үшінші студенті Алматыда білім алуда. Қазақстандық жоғары оқу орындары осыдан 15 жыл бұрын QS World University Rankings–те өздерін көрсете білді. Ол кезде Қазақстан атынан бір ғана университет қатысқан еді. Содан кейінгі жылдары біз уақытты текке өткізбедік, қысқа кезең ішінде біздің университеттер алға суырылып шықты. 2019 жылдың өзінде біздің 10 жоғарғы оқу орындарымыз рейтингке енді, олардың 6-ы Алматыда жұмыс жасайды», - деді конференцияның ресми бөлімінде Алматы әкімі Б. Сағынтаев.

Ол өзінің сөзінде форумның Қазақстанның жоғары оқу орындарының әлемнің жетекші университеттерімен тікелей байланыс орнатуын талқылауға, Қазақстанның жоғары оқу орындарының танымалдығы мен бәсекеге қабілеттілігін арттыруға ықпал ететінін айтты.

Айта кетерлігі, дәл осы күні әл-Фараби атындағы ҚазҰУ-нің қабырғасында «Тұрақты дамуды жүзеге асырудағы жастардың рөлі-2030» атты жаһандық конгресс өтуде, оны ұйымдастырушы ҚР Тұңғыш Президенті - Елбасының Қоры, ҚазҰУ және G-Global халықаралық Хатшылығы.



  «« | »» «  | Барлық жаңалықтар


Мемлекет басшысы Алматы қаласының әкімі Бақытжан Сағынтаевты қабылдады »»
09 қыркүйек 2020 - 17:02
Президентке Алматы қаласының эпидемиологиялық жағдайы және коронавирус індетінің болуы ықтимал екінші толқынына дайындық жұмыстары туралы баяндалды.   Мемлекет басшысына қала тұрғындарын жұмыспен қамту және «Жұмыспен қамтудың жол картасы» бағдарламасы аясында әлеуметтік аз қамтылған азаматтарға көмек көрсету туралы ақпарат берілді. Қасым-Жомарт Тоқаев Президенттің Қазақстан халқына Жолдауындағы міндеттемелердің толық әрі бұлжытпай орындалуы керек екенін атап өтті. Мемлекет басшысы ә...
Алматы қаласының Мәдениет нысандары карантин шараларын сақтай отырып, штаттық режимде жұмыс істеуде »»
08 қыркүйек 2020 - 15:59
Алматы қаласының бас санитарлық дәрігері Ж.Бекшиннің қаулысына сәйкес, карантиннің жеңілдетілуіне байланысты 1 қыркүйектен бастап қалада мұражайлар, кітапханалар мен хайуанаттар бағы қалыпты режимде жұмыс істей бастады.   «Алматы қ. музейлер бірлестігі» КМҚК (Алматы мұражайы, Ықылас атындағы ұлттық аспаптар Мұражайы, Д. А. Қонаев  Мұражайы, Н. Тілендиев атындағы Мемориалдық мұражай, С. Мұқанов және  Ғ. Мүсірепов атындағы әдеби-мемориалдық мұражай кешені, Райымбек батыр дәстүрлі ...
Иесіз электр желілерін қала балансына бергеннен кейін коммуналдық қызметтер сапалы болады: Алматыда жеке шоттарды ашу алгоритмі туралы айтылды »»
07 қыркүйек 2020 - 18:59
Өңірлік коммуникациялар қызметі алаңында өткен онлайн-брифинг барысында, Алматы энерготиімділік және инфрақұрылымдық даму Басқармасының басшысы Әсет Масабаев, «Алатау Жарық Компаниясы» АҚ Басқарма төрағасының бірінші орынбасары Берік Сағындықов, иесіз желілерді қала балансына беру кезінде дербес шоттарды ашу алгоритмі туралы айтып берді.   Алматы қаласының әкімшілігі қала тұрғындарының өміріне қолайлы жағдай жасауға, оның ішінде сапалы коммуналдық қызметтерді пайдалану үшін ауқымды жұмыс ...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz