^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 17 ақпан 2020
 
     
 
Жаңалықтар
Б. Сағынтаев: Қоғамның міндеті – мұғалімнің мәртебесін көтеру
04 қазан 2019

Бүгін, 4 қазанда қала әкімі Б. Сағынтаев Мұғалімдер күніне арналған салтанатты шараға қатысты.

 

Бақытжан Сағынтаев өскелең жас ұрпақтың бойына өміршең құндылықтарды қалыптастыруда мұғалімнің маңызды рөл атқаратынын атап өтті.

«Бүгінгі өмірде мұғалім тек кәсіби сауатты болумен қатар, білім берудің жаңа құралдары мен әдістерін меңгеруі, қоғамда болып жатқан өзгерістерді жете сезінуі тиіс. Бүгінгі күні балаларды өз беттерінше ойлай білуге, шешім қабылдауға және өз таңдауы үшін жауапкершілікті мойнына алуға үйрету қажет. Сіздер күн сайын оларға жаңа Қазақстанның лайықты азаматтары болуға көмектесіп келесіздер», - деп атап өтті қала әкімі.

Ол өзінің сөзінде қоғамның міндеті – мұғалімнің беделін ту биікке көтеру екенін қадап айтты.

«Біз мұғалімге балаларымызды, яғни болашағымызды сеніп тапсырамыз. Еліміздің болашағы мұғалімге тікелей байланысты», - деді Б.Сағынтаев.

Б.Сағынтаевтың тапсырмасы бойынша жас мұғалімдерге қолдау көрсетілуде. Биылғы жылы 634 жас мұғалім 50,5 мың теңге көлемінде бірретік материалдық көмек алды. Оның жалпы сомасы 32 млн. теңге.

Бұдан өзге, 2020 жылдан бастап мегаполистің үздік мұғалімдері үшін Алматы қаласы әкімінің арнайы гранты енгізілмек. Үздік педагогикалық ұжым дәстүрі жалғасын табады. Бүгін 10 жеңімпаз мектептердің мыңнан астам ұстаздары ақшалай сыйлықтарға ие болды.

Салтанатты шара барысында «Үздік педагогикалық ұжым» байқауының қорытындысы шығарылды. № 182 мектептің мұғалімдері Гран-приді ал, бірінші орынды № 169 мектеп-лицейі мен № 174 мектеп-гимназиясы иеленді. Үш екінші орынды № 177 жалпы білім беретін мектеп, № 126 арнайы лицей, № 115 жалпы білім беретін мектеп алды. Үшінші орынды № 110 мектеп-гимназия, №79 гимназия, № 198 жалпы білім беретін мектеп пен № 62 гимназиясы өзара бөлісті.

«Үздік педагог» республикалық конкурсының жеңімпаздары: №178 лицейдің қазақ тілі мен әдебиеті пәнінің мұғалімі Қанат Қайырбай, Ы. Алтынсарин атындағы № 159 гимназиясының бастауыш сынып мұғалімі Жанар Құсайынова, № 148 мектеп-гимназиясының бастауыш сынып мұғалімі Назигүл Мергенбаева мен Индустрия және туризм колледжінің арнайы пәндер оқытушысы Ерасыл Мамырбеков.

Бұдан өзге, білім саласының бірқатар қызметкерлері «Ыбырай Алтынсарин» және «ҚР Құрметті білім қызметкері» төсбелгілерімен марапатталды.





  «« | »» «  | Барлық жаңалықтар


2020 жылдың 16 ақпанында Алматыдағы қарды тазалау бойынша ақпарат »»
16 ақпан 2020 - 09:31
16 ақпан күні Алматы қаласында түнгі сағат 03.00-де бастаған жаңбырдың арты қарға айналды.   Көктайғақтың алдын алу мақсатында жолдарға, жол қиылыстары мен жолайрықтарға тайғаққа қарсы материал себілді. Сағат 09.00-дегі жағдай бойынша тайғаққа қарсы 3073 тонна материал пайдаланылды. Сағат 05.00-ден бастап қар тазалайтын көліктерден колонналар ұйымдастырылды. Олардың кедергісіз жүруі үшін жол полициясының патрульдік машиналары көмекке келді. Тротуарларды, жаяу жүргіншілер аймақтарын, қоғамдық көлік ...
Алматыда экологияны жақсарту бойынша құрамында сарапшылар мен экобелсенділері бар жұмыс тобы құрылды »»
15 ақпан 2020 - 18:23
2020 жылдың 15 ақпанында Тұрақты даму комитетінің кеңейтілген отырысында экобелсенділер мен Алматы қаласы әкімдігінің арасында өзара ашық диалог өтті.   Басқосуға Алматы қаласы әкімінің бірінші орынбасары Е.Қожағапанов пен әкімнің орынбасарлары Е.Бабақұмаров, М.Әзірбаев, сарапшылар қауымдастығының өкілдері мен экобелсенділер, олардың ішінде А.Төлесова, А. Ерекенов, С. Мартемьянов, А. Жандосова, С. Ташимова, А. Наурызбаев қатысты. Сондай-ақ, «Самұрық-Энерго» АҚ-ның Алматыдағы ЖЭО басшылығ...
Назарбаев Зияткерлік мектептерінің білім беру тәжірибесін қала мектептеріне тарату қажет - Е. Бабақұмаров »»
14 ақпан 2020 - 17:16
Бүгін Алматы қаласы әкімінің орынбасары Е. Бабақұмаровтың төрағалығымен Алматы қаласындағы физика-математика бағытындағы Назарбаев Зияткерлік мектебі Қамқоршылық кеңесінің отырысы өтті.   Оған «Назарбаев Зияткерлік мектептері» ДББҰ Басқарма төрағасы К. Шәмшидинова мен Қамқоршылық кеңес мүшелері: Алматы қаласы Білім басқармасының басшысы Л. Жылқыбаева, Алматы қаласы мәслихатының депутаты А. Нәбиев, Алматы қаласы «Физика-математикалық бағыттағы Назарбаев Зияткерлік мектебі» фили...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56