^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 20 ақпан 2020
 
     
 
Жаңалықтар
Алматыда алғашқы қалалық хакатонның қорытындысы шығарылды
07 қазан 2019

30 жұмыстың ішінде үш команданың жобалары үздік деп танылды.

 

5-6 қазанда Q-Lab қалалық жобалар Зертханасында ақылды жобаларды жасаушылардың алғашқы қалалық марафоны өтті. Идеяны прототипке айналдыру үшін қатысушыларға 24 сағат берілді. Қойылған міндет – жобаға бұрын қатысқандардың ұсыныстарын жалғастырмай әрі қайталамай жаңа идеясы бар прототипті бірден жасау және іске асыру.

Хакатонды ашқан Алматы әкімі Бақытжан Сағынтаев мегаполистің тыныс-тіршілігін қамтамасыз ететін барлық салаларға жаңа әрі тиімді шешімдер қажет екенін айтты.

«Перспективалы, зияткерлік әзірлемелер мен талдамаларды ұсынған командаларға қолдау көрсетіледі, өйткені олардың ұсыныстары қаланың тыныс-тіршілігін қамтамасыз етуде практика жүзінде қолданылады. Ақылды марафонды біз жыл сайын өткіземіз, ауқымын кеңейтеміз және оларды пайдаланатын салаларды ұлғайтамыз, бұл іске креаторлар мен әзірлеушілерді кеңінен тартатын боламыз», - деді Б. Сағынтаев.

Almaty SmartCity Challenge хакатонының жүлделік қоры 3 млн теңгені жарыс жеңімпаздары атанған үш команда өзара бөлісті: HCK50 («Salem Tourist» жобасы - 1,5 млн теңге), GGG («Smart bin» - 1 млн теңге) және Mbionics («Ақылды тұрақ» - 500 мың теңге).

Шараға қолдау көрсеткен демеушілердің «Касперскийдің Зертханасы» АҚ, «Қазтелепорт» АҚ арнайы сыйлықтарымен жаңа әрі креативті идеялары үшін 9 команда марапатталды. Хакатонға қатысушылардың барлығы атаулы сертификаттар алды.

Туристерге арналған «Salem Tourist» мобильді қосымшасы арқылы қаламыздың өте қызық жерлері және көрнекі орындары, оларға қалай баруға болатындығы, рейтингі және қалалықтардың пікірі туралы ақпараттарды алуға болады. Бұл жобаны әзірлегендер қосымшаның Алматының туристік тартымдылығын арттырып, туристерге барынша жайлы жағдайларды жасайтындығын айтты.

«Smart bin» жобасының авторлары датчиктер арқылы қаланың қоқыс толған контейнерлері бірден көзге түсетінін жеткізді. Олар контейнерлердің тез толуы және тазаруы логистиканы оңтайландыруға, қанша қоқыс жинайтын машиналар мен контейнерлердің қажет екенін есептеуге, бағытты анықтауға, қоқыс көліктерінің майын үнемдеуге, техника мен жолдың тозуын азайтуға және қызметкерлердің жұмыс уақытын қысқартуға мүмкіндік беретінін айтты.

Mbionics командасының «Ақылды қала» жобасын жасаушылар жедел мониторингтің Алматының бос тұрақтарында көлікті орналастыру процессін басқаратынын айтты. Бұл жоба қаланың көлік тұрағы кеңістігін жасқартумен қатар қала бюджетіне түсетін қаржыны ашық бақылауды қамтамасыз етеді.

Хакатонға қатысушылардың барлығы қаланы дамытуға арналған 30-дан астам жоба әзірлеген болатын. Қатысушылар тұрмыстық қоқыстарды өңдейтін ферма, қаланың жасыл желегін суаратын «ақылды» автосушашқыш, мониторинг жүйесі және бос көлік тұрағын іздеу, қала қауіпсіздігін талдау, жүктемені азайту және басқа да жобаларды құрамына «Касперскийдің Зертханасы» АҚ, «Қазтелепорт» АҚ, «АТП» АКҚ(Tech Garden), «Ақпараттық технологияның Халықаралық университеті» АҚ және әл-Фараби атындағы ҚазҰУ-нің Сараптама және мәліметтерді өңдеу орталығының өкілдері енген сараптама жюриінің қарауына ұсынды.





  «« | »» «  | Барлық жаңалықтар


Бақытжан Сағынтаев – Біз өзімізге жылдың соңына дейін Алматының барлық көшелерін жарықпен қамтамасыз етеміз деген биік мақсат қойдық »»
19 ақпан 2020 - 16:47
Бүгін мегаполис тұрғындарымен өткен есептік кездесуде Алматы қаласының әкімі Бақытжан Сағынтаев көшелерді жарықтандыру жұмыстары туралы мәлімдеді.   “Өткен жылы көшелерді жаңғыртуға бөлінген қаражат есебінен 300-ден астам магистральді көшелерді жарықтандырдық. Жарықтандыру мәселелері Алатау, Наурызбай, Жетісу аудандарында көтерілді. Біз жарық жүйесі жоқ барлық көшелердің тізімін қайта қарадық. Сондай мың көше анықталды. Жаңа жылдың басына қарай олардың саны екі мыңға жетті. Аудит және түгендеу...
Б. Сағынтаев – Біз спорттағы жаңа жұлдыздардың бағын ашамыз »»
19 ақпан 2020 - 16:48
Алматы қаласы әкімі Бақытжан Сағынтаевтың тұрғындармен өткен есептік кездесуінде жарысқа қатысатын балаларға қолдау көрсету шараларын кеңейту керектігін айтты. “Біз бюджет арқылы қолдау мәселелерін қарастырудамыз. Бұл бағытта тағы қосымша бағдармаларды әзірлеу керек. Егер балалар жақсы жетістіктерге жетіп жатса, біз оларды қолдауымыз керек. Сол арқылы біз Бекзат Саттарханов, Серік Сәпиев, Жақсылық Үшкемпіров сынды жаңа спорт жұлдыздарын, чемпиондарды тәрбиелейміз. Сонымен қатар, біз пәндік олимпиада...
Кәсіпкерлер аз қамтылған алматылықтардың газға қосылуына көмектеседі »»
19 ақпан 2020 - 16:54
Қала әкімі Бақытжан Сағынтаевтың тұрғындармен болған есептік кездесуінде бизнес-қауымдастықтың өкілі Сергей Спицын Медеу ауданындағы 50 отбасына газ қосып беруді қаржыландыруға дайын екендігін айтып, бастама көтерді.   "Мен Алматы кәсіпкерлер қауымдастығының атын келдім. Қаланың кез-келген тұрғыны сияқты біздің экология мені де қатты алаңдатады. Жылыту маусымы басталған кезде менің балаларым ауырады. Сондықтан мен Медеу ауданындағы 50 отбасына өз есебімнен газ қосып беруге дайынмын", &ndas...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56