^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 6 сәуір 2020
 
     
 
Жаңалықтар
Алматыда дезинфекциялық-санитарлық режимді күшейту туралы ақпараттық хабарлама
25 наурыз 2020

Бұл туралы қалалық әкімдіктің баспасөз орталығында өткен онлайн-брифингте Алматы қаласы Тауарлар мен қызметтердің сапасы мен қауіпсіздігін бақылау департаментінің басшысы Айзат Молдағасымова мәлімдеді.

 

Аулалар мен подъездерді залалсыздандыру жұмыстары бүгін таңертеңнен басталды. Алғашқылардың бірі болып «Самал-1» ықшамауданына жасалған шара барысында, тұрғындардан бірқатар сауалдар түсті. Олар дезинфекция жасалатыны туралы неге ертерек ақпарат берілмегені және залалсыздандыру шаралары біткеннен кейін қанша уақыттан соң сыртқа шығуға болатындары жайында сұрады.

«Егер химиялық қоспаны шашыратып сеуіп жүрген кезде адам сол араға жақын жүрсе зияны тиюі мүмкін. Дезинфекция жұмыстарындағы химиялық қоспа жерге немесе еденге тигеннен кейін тыныс алу органдарына әсер етпейді», – деді А. Молдағасымова.

Ол сондай-ақ, соңғы күндері Алматыда инфекция жұқтырудың бірнеше ошағы анықталғанын, бірақ, олардың жаңа келгендермен емес, ауру белгілері бар адаммен байланыста болғандардан анықталып отырғанын айтып өтті.

«Бүгінде Алматы қаласы бойынша коронавирус инфекциясы анықталған 15 індет ошағы бар. Өткен тәулікте екі ауру жұқтырған науқас қосылды. Олардың бірі бұрын ауру жұқтырған адаммен жақын байланыста болған. Екіншісі қыз бала – Цюрихтан ұшып келген. Ол барлық сақтық шараларын сақтап, үйіне көлікпен барған. Ешқандай туысымен жақын байланыста болмаған. Аурудың алғашқы белгілерін сезген соң бірден емханаға хабарласқан. Оң нәтиже көрсеткен соң, карантинге жатқызылды. Осылайша, бүгінгі күні Алматыда індет жұқтырған 31 науқас анықталып отыр», - деді қаланың бас санитары. Ол сондай-ақ, қаладағы індет ошағы табылған жерлерді залалсыздандыру шаралары күшейтілгенін, ондағы барлық жағдай жіті бақылауда екенін атап өтті.

Негізінен, инфекция жұқтырғандар, арнайы қоршалған індет ошақтарынан шығып жатыр. Сол себепті ол жерлер бүгінде жіті бақылауда. Бұл оларды жаңа ошақтардың пайда болуын болдырмауға мүмкіндік береді.

«Кеше еліміздің коронавирус инфекциясы тіркелмеген басқа қалаларынан біздің қалаға 82 эпидемиолог көмекке келді. Бүгінде олар 76 тәулік бойы жүргізіп келе жатқан қауіпті індетке қарсы күресті бізбен бірге бастап кетті. Олар да біздің мамандар секілді қорғаныш костюмдерімен, маскалармен, респираторлармен, көзілдірікпен, қолғаптармен және жұмысқа қажетті медициналық құралдармен қамтамасыз етілген», - деді А. Молдағасимова.

Сонымен қатар, барлық медициналық мекемелерде, атап айтқанда, жеке және мемлекеттік мекемелерде санитарлық-эпидемиологиялық сақтық шаралары қабылданды.

Алматы қаласының бас санитар дәрігері қала тұрғындарын 1406 телефоны бойынша қаланың барлық мекемелері мен ұйымдарының жұмысында байқалған қандай да бір кемшіліктерді байқаса, бірден хабарлауға шақырды. Егер тамағыңыз ауырып, құрғақ жөтел, температураның пайда болуы сияқты симптомдар пайда болса жедел жәрдем шақырыңыз деп кеңес берді.

  «« | »» «  | Барлық жаңалықтар


7 сәуірден бастап Алматы қаласында жүруге арналған барлық өткізу құжаттары мен анықтамалардың күші жойылады »»
06 сәуір 2020 - 18:55
Алматы қаласы әкімдігі жанындағы төтенше жағдай режимін қамтамасыз ету жөніндегі жедел штабпен карантин кезінде жұмысты жалғастыратын кәсіпорындардың электронды деректер базасы құрылды.   Базаға қаланың тыныс-тіршілігін қамтамасыз ететін медицина, құқық қорғау, коммуналдық қызмет, БАҚ өкілдері, такси және жеткізу қызметтері мен мемлекеттік орган қызметкерлері енгізілді. Аталмыш ұйымдардан өтінімдер 1-2 сәуірге дейін қабылданды. Мекеме басшылары қызметкерлеріне 6 сәуірге дейін жарамды анықтамалар берд...
Алматыда тұрғын үй қорын дезинфекциялау қарқынды жүргізілуде »»
06 сәуір 2020 - 10:19
Аптасына екі рет көппәтерлі тұрғын үйлерің әр кіреберісі мен аула аумақтары залалсыздандырылады.   Айта кету керек, төтенше жағдайды қамтамасыз ету жөніндегі Жедел штабтың шешімімен 25 наурыздан барлық жердегі тұрғын үй қорын дезинфекциялауды арнайы компаниялар жүргізе бастады. Қалалық Тұрғын үй саясаты басқармасында атап өткендей, бұл жұмысқа тартылған барлық мердігерлік ұйымдардың тиісті біліктілігі бар, штаттық құрамы жеткілікті және толығымен жабдықталған. Бұл құралдар вирустың қоздырғыштарына, ж...
Қала әкімдігі жұмыссыз режимнің 13 сәуірге дейін ұзартылғанын еске салады »»
05 сәуір 2020 - 21:15
5 сәуірге дейін ұйымдардың жұмысын уақытша тоқтату туралы шешім кейінге шегерілді. Енді қаланың тыныс-тіршілігін қамтамасыз етпейтін барлық кәсіпорындар мен ұйымдар үшін жұмыссыз режим 13 сәуірге дейін ұзартылды.   Мұндай шешімді ҚР Президенті жанындағы төтенше жағдай режимін қамтамасыз ету жөніндегі Мемлекеттік комиссия қабылдады. Бұл режим адамдар мен жеке көліктің қала ішінде қажеттіліксіз жүріп-тұруына тыйым салуды көздейді. Азық-түлік пен дәрі-дәрмекті алуға тұрғылықты жерге жақын орналасқан дү...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56