^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 23 қыркүйек 2020
 
     
 
Жаңалықтар
Алматыда профилактикалық және эпидемияға қарсы қосымша шектеу шараларын енгізу туралы
25 наурыз 2020

Адамдардың жаппай жиналуын және Алматы қаласының аумағында короновирустық инфекцияның (COVID-19) таралуын болдырмау үшін Алматы қаласының Жедел штабы ҚР Президентінің жанындағы төтенше жағдай режимін қамтамасыз ету бойынша мемлекеттік комиссияның келісімімен ағымдағы жылдың 26 наурызынан бастап, бұрын белгіленген шектеулерді сақтай отырып, қосымша шектеу шараларын енгізу туралы шешім қабылдады.

 

Осылайша, төтенше жағдай аясында, карантин режимі кезеңінде Алматы қаласында ағымдағы жылдың 26 наурызынан бастап қоса алғанда келесі сауда және қызмет көрсету нысандарының жұмысы тоқтатылуы тиіс:

- азық-түлік емес сауда орындары (2000 шаршы метрден кем), жеке тұрған азық-түлік емес дүкендер, сондай-ақ автосалондар, авто қосалқы бөлшектер сататын салондар және гүл павильондары;

- қызмет көрсету саласының нысандары: химиялық тазалау, кір жуу орындары, фотоателье, фотосалондар, оптика, ломбард, жылжымайтын мүлік агенттігі, көлік жуу, техникалық қызмет көрсету станциялары;

Сондай-ақ санитарлық-эпидемияға қарсы шараларды күшейте отырып қоғамдық тамақтану нысандарында «клиенттерге жеткізіп беру» қағидасы (22.00-ге дейін) бойынша осыған дейін бекітілген жұмыс тәртібі сақталады.

Сонымен бірге мынадай нысандар жабылды:

- азық-түлік сатпайтын сауда базарлары;

- азық-түлік пен дәрі-дәрімек сататын нысандарды қоспағанда, ірі сауда ойын-сауық орталықтары, сауда үйлері, олардың аумағында және жеке орналасқан кинотеатрлар, балалар орталықтары, кез-келген басқа көңіл көтеретін орталықтар (бильярд залдары, караоке, боулинг орталықтары, компьютер және интернет-клубтар және басқалары);

- кейбір қызмет көрсету нысандары: сұлулық салоны, шаштараз, массаж кабинеттері, моншалар, сауналар, СПА орталықтары, аквапарктер, бассейндер, солярий (күншуақ), тир ататын атыс алаңдары, фитнес-залдар, жаттығу залдары, сондай-ақ, йогамен айналысатын залдар, спорт клубтары және басқалары.

Сонымен қатар, қалада азық-түлік тауарларын, дәрі-дәрмек препараттарын сататын нысандар және жоғарыда аталған шектеулер қолданылмайтын басқа да объектілер жұмысын жалғастыруда.

Бұл шаралардың барлығы Алматыда қозғалыс белсенділігін төмендету арқылы қала тұрғындарын COVID-19 вирусын жұқтырудан барынша қорғауды күшейтуге бағытталған. Сонымен бірге COVID-19 таралуын болдырмау бойынша шет елдердегі сәтті мысалдар ескерілді.

Алматы қаласының әкімдігі қаланың барлық тұрғындары мен компанияларын санитарлық және дезинфекциялық шараларды сақтай отырып, барынша оқшаулануға және қашықтан жұмыс істеу режиміне көшуге шақырады.

  «« | »» «  | Барлық жаңалықтар


Мемлекет басшысы Алматы қаласының әкімі Бақытжан Сағынтаевты қабылдады »»
09 қыркүйек 2020 - 17:02
Президентке Алматы қаласының эпидемиологиялық жағдайы және коронавирус індетінің болуы ықтимал екінші толқынына дайындық жұмыстары туралы баяндалды.   Мемлекет басшысына қала тұрғындарын жұмыспен қамту және «Жұмыспен қамтудың жол картасы» бағдарламасы аясында әлеуметтік аз қамтылған азаматтарға көмек көрсету туралы ақпарат берілді. Қасым-Жомарт Тоқаев Президенттің Қазақстан халқына Жолдауындағы міндеттемелердің толық әрі бұлжытпай орындалуы керек екенін атап өтті. Мемлекет басшысы ә...
Алматы қаласының Мәдениет нысандары карантин шараларын сақтай отырып, штаттық режимде жұмыс істеуде »»
08 қыркүйек 2020 - 15:59
Алматы қаласының бас санитарлық дәрігері Ж.Бекшиннің қаулысына сәйкес, карантиннің жеңілдетілуіне байланысты 1 қыркүйектен бастап қалада мұражайлар, кітапханалар мен хайуанаттар бағы қалыпты режимде жұмыс істей бастады.   «Алматы қ. музейлер бірлестігі» КМҚК (Алматы мұражайы, Ықылас атындағы ұлттық аспаптар Мұражайы, Д. А. Қонаев  Мұражайы, Н. Тілендиев атындағы Мемориалдық мұражай, С. Мұқанов және  Ғ. Мүсірепов атындағы әдеби-мемориалдық мұражай кешені, Райымбек батыр дәстүрлі ...
Иесіз электр желілерін қала балансына бергеннен кейін коммуналдық қызметтер сапалы болады: Алматыда жеке шоттарды ашу алгоритмі туралы айтылды »»
07 қыркүйек 2020 - 18:59
Өңірлік коммуникациялар қызметі алаңында өткен онлайн-брифинг барысында, Алматы энерготиімділік және инфрақұрылымдық даму Басқармасының басшысы Әсет Масабаев, «Алатау Жарық Компаниясы» АҚ Басқарма төрағасының бірінші орынбасары Берік Сағындықов, иесіз желілерді қала балансына беру кезінде дербес шоттарды ашу алгоритмі туралы айтып берді.   Алматы қаласының әкімшілігі қала тұрғындарының өміріне қолайлы жағдай жасауға, оның ішінде сапалы коммуналдық қызметтерді пайдалану үшін ауқымды жұмыс ...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz